নিয়মীয়া বাৰ্তা, ১২ জুনঃ এইবাৰ অসম আৰক্ষীৰ জোৱানৰ দেহত COVID-19। জোৱানজন ৮ম APBnৰ অনিল চন্দ্ৰ ৰায়। মালিগাঁৱৰ নেতাজী বিদ্যাপীঠৰ অস্থায়ী শিবিৰত আছিল জোৱানজন। এমাহপূৰ্বে বেটেলিয়নৰ দলটোক গুৱাহাটীলৈ অনা হৈছিল। মহানগৰীৰ বিভিন্ন স্থানত কৰ্তব্যৰত আছিল জোৱানজন। উল্লেখযোগ্য যে এই অস্থায়ী শিবিৰটোত আছিল প্ৰায় ৭০ৰ পৰা ৮০জন লোক। জোৱানজনৰ সংস্পৰ্শলৈ অহা লোকসকলক কোৱাৰেণ্টাইনৰ ব্যৱস্থা কৰা হৈছে। ইতিমধ্যে জোৱানজনক MMCHত চিকিৎসাৰ বাবে প্ৰেৰণ কৰা হৈছে।