- শ্বহীদ প্ৰণয় কলিতাৰ বজালীৰ বাসগৃহত মুখ্যমন্ত্ৰী
- ২০লাখ টকাৰ একাকালীন সাহাৰ্য্যৰ লগতে দুই কণমাণিৰো শিক্ষাৰ দায়িত্ব ল’লে চৰকাৰে
নিয়মীয়া বাৰ্তা, ২ আগষ্টঃ দেশৰ সুৰক্ষাৰ হকে বীৰত্বেৰে যুঁজি শ্বহীদ হোৱা অসম ৰাইফলছৰ জোৱান প্ৰণয় কলিতাৰ বজালীৰ ঘটবৰ সাদেৰীস্থিত বাসগৃহত উপস্থিত হৈ মুখ্যমন্ত্ৰী সৰ্বানন্দ সোণোৱালে তেখেতৰ প্ৰতিচ্ছবিত পুষ্পাঞ্জলি অৰ্পণ কৰে আৰু পৰিয়ালবৰ্গক সাক্ষাৎ কৰি গভীৰ সমবেদনা জনায়।দেশৰ স্বাৰ্থত সৰ্বোচ্চ বলিদান দিয়া বীৰ শ্বহীদ প্ৰণয় কলিতাৰ সাহস আৰু বীৰত্বৰ কথা মুখ্যমন্ত্ৰীয়ে শ্ৰদ্ধাৰে স্মৰণ কৰি পৰিয়ালবৰ্গৰ কাষত চৰকাৰ সদায় আছে বুলি আশ্বাস দিয়ে আৰু শ্বহীদগৰাকীৰ পৰিয়ালৰ হাতত ২০ লাখ টকাৰ এখন চেক প্ৰদান কৰে।