নিয়মীয়া বাৰ্তা, ৬ আগষ্ট: বৃহস্পতিবাৰে ধুবুৰী জিলাৰ গোলকগঞ্জ সমষ্টিৰ বিধায়ক অশ্বিনী ৰায়ৰ উপস্থিতিত জিলা কৃষি বিষয়া হবিবুল হকৰ তত্ত্বাবধানত হালাকূৰা কৃষি চক্রৰ কৃষকসকলৰ মাজত শালি ধানৰ সমূহীয়া কঠীয়াতলীৰ কঠীয়া বিতৰণ কৰা হয় ।
ইপিনে জ্যেষ্ঠ কৃষি উন্নয়ন বিষয়া স্বজল কান্তি বৰুৱা, কৃষি উন্নয়ন বিষয়া দীপাংকৰ চৌধুৰী, সিৰুমনি ফুকন, নিতুমনি মহন্ত আৰু জাবিৰ আহমেদ উপস্থিত থকা এই অনুষ্ঠানটিৰ পিছতে বিধায়ক, কৃষি বিভাগৰ বিষয়াসকল, গ্রামসেৱক সকল আৰু স্হানীয় কৃষক সকলে সমূহীয়াকৈ ভূঁই ৰোৱা কাৰ্যসূচীত অংশগ্রহণ কৰে ।
লগতে অনুষ্ঠানৰ শেষত কৃষি বিভাগৰ বিষয়াসকলে উপস্থিত কৃষকসকলৰ সৈতে কৃষিৰ সৈতে জড়িত বিষয়সমূহৰ ওপৰত মত বিনিময় কৰে ।