নিয়মীয়া বাৰ্তা, ১৭ ডিচেম্বৰঃ মহানগৰ আৰক্ষীয়ে আজি জালুকবাৰীৰ পৰা ড্রাগ্ছসহ তিনি সৰবৰাহকাৰীক গ্রেপ্তাৰ কৰে৷ ধৃত ড্রাগ্ছ সৰবৰাহকাৰীকেইটা ক্রমে কটাহবাৰীৰ বাছিত আলী (৩২), গড়চুকৰ ৰফিক আলী (২৬) আৰু ৰোহিত শর্মা (১৯) বুলি জানিব পৰা গৈছে৷ আৰক্ষী সূত্রই জনোৱা মতে, ধৃত ড্রাগ্ছ সৰবৰাহকাৰীকেইটাই দীর্ঘদিন ধৰি মহানগৰীত ড্রাগ্ছ সৰবৰাহ কার্যত জড়িত আছিল৷ আৰক্ষীয়ে গোপন সূত্রৰ পমখেদি আজি মালিগাঁৱৰ পৰা ড্রাগ্ছ সৰবৰাহকাৰীকেইটাক্ গ্রেপ্তাৰ কৰিবলৈ সক্ষম হয়৷ আৰক্ষীয়ে ড্রাগ্ছ সৰবৰাহকাৰী তিনিটাৰ পৰা ১৬.৫ গ্রাম ব্রাউন ছুগাৰ জব্দ কৰাৰ লগতে ৭৫টা কণ্টেইনাৰ আৰু চাৰিটা ম’বাইল ফোন জব্দ কৰে৷ ঘটনা সন্দর্ভত আৰক্ষীয়ে গোচৰ ৰুজু কৰি তদন্ত অব্যাহত ৰাখিছে৷