নিয়মীয়া বাৰ্তা, ২৫ জানুৱাৰীঃ চীনৰ পূব প্রান্তৰ শ্বানদং প্রদেশৰ হুছান সোণৰ খনিত দুসপ্তাহ ধৰি আবদ্ধ হৈ থকা ১১গৰাকী কর্মীক জীৱন্তে উদ্ধাৰ কৰা হৈছে৷ এক বিস্ফোৰণৰ পিছতে ভূগর্ভৰ কেইবাশ মিটাৰ অভ্যন্তৰৰ খনিটোত আবদ্ধ হৈ পৰিছিল এই কর্মীসকল৷
১০ জানুৱাৰীৰ এই বিস্ফোৰণৰ ঘটনাৰ পিছতে সমগ্র অঞ্চলটোত সৃষ্টি হৈছিল উত্তপ্ত পৰিস্থিতি৷ স্মর্তব্য যে অন্য ১০গৰাকী খনিকর্মীৰ এতিয়াও সন্ধান উলিয়াবলৈ সক্ষম হোৱা নাই উদ্ধাৰকাৰী দল৷ এই কর্মীসকল জীৱিত থকা বুলি আশা প্রকাশ কৰিছে প্রশাসনে৷
সন্ধানহীন হৈ থকা কর্মীসকলৰ অৱস্থান নিশ্চিত কৰিবলৈ উদ্ধাৰকাৰী দলে বিভিন্ন প্রযুক্তিৰ সহায় লৈছে যদিও এইক্ষেত্রত সফল হোৱা নাই৷