নিয়মীয়া বাৰ্তা, ৩১ জানুৱাৰীঃ দেশৰ গণৰাজ্য দিৱসত কৃষকৰ ট্ৰেক্টৰ সমদলত হোৱা হিংসাত্মক ঘটনাৰ পিছত এতিয়ালৈ এই ঘটনাক লৈ দিল্লী আৰক্ষীয়ে ৩৮ টা গোচৰ ৰুজু কৰিছে ৷
বহু লোকক সোধা-পোছাৰ বাবে আৰক্ষীয়ে জিম্মালৈ অনাৰ লগতে ঘটনাৰ লগত জড়িত ৮৪জন লোকক আটক কৰি তদন্ত অব্যাহত ৰাখিছে ৷
উল্লেখ্য, ট্ৰেক্টৰ ৰেলীত লালকিল্লাত পতাকা উত্তোলন কৰাৰ পিছতে উত্তপ্ত হৈ পৰিছিল দেশৰ পৰিস্থিতি। এই ঘটনাত প্ৰায় ৪০০ গৰাকী আৰক্ষী আহত হৈছিল ৷ লগতে আহত হৈছিলে বহুকেইগৰাকী কৃষক।
ইতিমধ্যে দিল্লী আৰক্ষীৰ এটা দল পঞ্জাৱলৈ ৰাওনা হৈছে ৰুজু হোৱা গোচৰৰ ভিত্তিত ৷ আৰক্ষীয়ে লালকিল্লাত পতাকা উত্তোলন কৰা কৃষক জুগৰাজক আটক কৰাৰ বাবেও পঞ্জাৱলৈ ৰাওনা হৈছে বুলি জানিব পৰা গৈছে।