নিয়মীয়া বাৰ্তা, ১০ ফেব্ৰুৱাৰীঃ ১১ ফেব্রুৱাৰী কাইলৈৰ পৰা অসম বিধানসভাৰ অধিৱেশন অনুষ্ঠিত হ’ব৷
ৰাজ্যপালৰ ভাষণেৰে আৰম্ভ হ’বলগীয়া এই অধিৱেশনতে আসন্ন বিধানসভা নির্বাচনৰ পৰিপ্রেক্ষিতত ৰাজ্যৰ বিত্তমন্ত্রী ড০ হিমন্ত বিশ্ব শর্মাই ২০২১–২২ বিত্তীয় বর্ষৰ প্রথম তিনিটা মাহৰ বাবে লেখানুদান দাখিল কৰিব৷
অসম বিধানসভা কর্তৃপক্ষই জানিবলৈ দিয়া মতে, বিধানসভাৰ এই অধিৱেশন কিমানদিনীয়া হ’ব সেয়া বিধানসভাৰ কার্য উপদেষ্টা পৰিষদে চূড়ান্ত কৰিব যদিও এই অধিৱেশন তিনিদিনীয়া হোৱাৰ পূর্ণ সম্ভাৱনা আছে৷
মন কৰিবলগীয়া এয়ে যে এই অধিৱেশনখনেই বর্তমানৰ চৰকাৰৰ অন্তিমখন অধিৱেশন৷
উল্লেখ্য যে, অধিবেশনৰ দ্বিতীয় দিনা অৰ্থাৎ শুকুৰবাৰে বিত্ত মন্ত্ৰী ডঃ হিমন্তবিশ্ব শৰ্মাই সদনত দাখিল কৰিব আগন্তুক তিনি মাহৰ লেখানুদান । এপ্ৰিল, মে’ আৰু জুন মাহৰ বাবে এই লেখানুদান দাখিল কৰা হ’ব । আনহাতে এই তিনিদিনীয়া অধিবেশনত কোনো ধৰণৰ বিধেয়ক উত্থাপন কৰা নহ’ব ।