নিয়মীয়া বাৰ্তা ১২ ফেব্ৰুৱাৰীঃ ৰাজ্যসভাত খালী হৈ থকা অসমৰ এখন আসনৰ বাবে অহা ১ মার্চত নির্বাচন অনুষ্ঠিত হ’ব৷ দেশৰ নির্বাচন আয়োগে বৃহস্পতিবাৰে এই সম্পর্কত নির্বাচনী অধিসূচনা জাৰি কৰিছে৷ অধিসূচনা অনুসৰি অহা ১৮ ফেব্রুৱাৰী মনোনয়ন দাখিলৰ অন্তিম দিন৷ মনোনয়ন প্রত্যাহাৰৰ অন্তিম দিন ২২ ফেব্রুৱাৰী৷ আজি নির্বাচনী অধিসুচনা জাৰিৰ দিনাই ৰাজ্যসভাৰ প্রাক্তন সাংসদ বিজেপিৰ বিশ্বজিৎ দৈমাৰীয়ে মনোনয়ন–পত্র সংগ্রহ কৰে৷ উল্লেখ্য যে প্রাক্তন বি পি এফ নেতা বিশ্বজিৎ দৈমাৰীয়ে বিগত বিটিচি নির্বাচনৰ আগে আগে দলত্যাগ কৰাৰ লগতে ৰাজ্যসভাৰ সদস্য পদ ত্যাগ কৰি বিজেপিত যোগদান কৰে৷ ইয়াৰ পৰিপ্রেক্ষিতত ৰাজ্যসভাৰ সেই আসনখন খালী হৈ পৰে৷