নিয়মীয়া বাৰ্তা ১৬ ফেব্ৰুৱাৰীঃ পশ্চিমবংগৰ তৃণমূল কংগ্রেছ চৰকাৰৰ বিৰুদ্ধে সৰৱ হৈছে বিজেপি নেতা শুভেন্দু অধিকাৰী৷ মাত্র কেইসপ্তাহমান পূর্বে বিজেপিত যোগদান কৰা শুভেন্দু অধিকাৰীয়ে আজি উল্লেখ কৰিছে যে তৃণমূল কংগ্রেছে পশ্চিমবংগক বাংলাদেশত পৰিণত কৰিব বিচাৰিছে৷ তৃণমূল কংগ্রেছে ‘জয় বাংলা’ শ্লোগান বাংলাদেশী ৰাজনীতিত ছামিম ওছমানৰ ‘খেলা হবে’ শ্লোগানৰ পৰা ধাৰ কৰা বুলিও উল্লেখ কৰিছে৷ চাৰি বছৰ পূর্বে ছামিম ওছমানে ‘খেলা হবে’ শ্লোগান দিছিল বাংলাদেশত৷ ছামিম ওছমান হৈছে নাৰায়ণগঞ্জৰ সাংসদ৷ বাংলাদেশলৈ পশ্চিমবংগক সলনি কৰিবলৈও তৃণমূল কংগ্রেছে জয় বাংলা শ্লোগান আমদানি কৰিছে বুলি অভিযোগ কৰিছে শুভেন্দু অধিকাৰীয়ে৷ লক্ষণীয়ভাৱে আগন্তুক বিধানসভা নির্বাচনত পশ্চিমবংগত বিজেপিয়ে অভূতপূর্ব বিজয় সাব্যস্ত কৰিবলৈ সক্ষম হ’ব বুলি ঘোষণা কৰিছে নেতাগৰাকীয়ে৷