নিয়মীয়া বাৰ্তা, ৯ মাৰ্চঃ অনুষ্কা, কৰীণাৰ পাছত এইবাৰ মাতৃ হ’বলৈ আগবাঢ়িছে কণ্ঠশিল্পী শ্ৰেয়া ঘোষাল। অতি সোনকালে মাতৃত্বৰ গৌৰৱ অৰ্জন কৰিব কণ্ঠশিল্পীগৰাকীয়ে৷ সামাজিক মাধ্যমযোগে এই কথা প্ৰকাশ কৰে শিল্পীগৰাকীয়ে৷ লগতে শ্বেয়াৰ কৰিছে গৰ্ভাৱস্থাৰ এখন ফটো ৷
নীলা আৰু সেউজৰঙী সাজৰ সৈতে নিজৰ ফটোখন প’ষ্ট কৰি শ্ৰেয়াই জনাই যে অতি সোনকালেই শিশু শ্ৰেয়াদিত্য পৃথিৱীলৈ আহি আছে৷ স্বামী শিলাদিত্যৰ সৈতে এই খবৰটো সকলোকে দিবলৈ পাই তেওঁ নিজকে সুখী অনুভৱ কৰে ৷ তদুপৰি শ্ৰেয়াই সকলোৰে আশীষ বিচাৰে ৷
ইনষ্টাগ্ৰামযোগে শ্ৰেয়াই এইবুলি কয়, “Baby #Shreyaditya is on its way! @shiladitya and me are thrilled to share this news with you all. Need all your love and blessings as we prepare ourselves for this new chapter in our lives.“ ৷
উল্লেখ্য যে শ্ৰেয়াই ২০১৫ চনত শৈশৱৰ বন্ধু শিলাদিত্য মুখাৰ্জীৰ সৈতে বিবাহপাশত আবদ্ধ হৈছিল। দুয়োজনে বিবাহৰ ছয় বছৰৰ শেষত তেওঁলোকৰ প্ৰথম সন্তানক আদৰণি জনাবলৈ সাজু হৈছে। শ্ৰেয়া-শিলাদিত্যই বিবাহৰ আগতে দহ বছৰৰ বাবে প্ৰেম কৰিছিল।
Baby #Shreyaditya is on its way!@shiladitya and me are thrilled to share this news with you all. Need all your love and blessings as we prepare ourselves for this new chapter in our lives. pic.twitter.com/oZ6c6fnR6Z
— Shreya Ghoshal (@shreyaghoshal) March 4, 2021