নিয়মীয়া বাৰ্তা, ১৯ মাৰ্চঃ মা কামাখ্যাৰ আশীৰ্বাদ শিৰত লৈ আজি তৃতীয় পৰ্যায়ৰ নিৰ্বাচনৰ মনোনয়নৰ অন্তিম দিনটোত বিশাল সমদলৰ মাজেৰে মনোনয়ন-পত্ৰ দাখিল কৰিলে অসমৰ বিশিষ্ট ৰাজনীতিক ড০ হিমন্ত বিশ্বই শৰ্মাই।
আজি সমদলৰ অনুপম দৃশ্যসজ্জাৰ মাজেৰে পাণবজাৰস্থিত উপায়ুক্তৰ কাৰ্যালয়ত জালুকবাৰী সমষ্টিৰ বিজেপি প্ৰাৰ্থী ৰূপে ড০ শৰ্মাই দাখিল কৰে মনোনয়ন-পত্ৰ। মনোনয়ন-পত্ৰ দাখিলৰ সময়ত মন্ত্ৰীগৰাকীক সংগ দিয়ে মুখ্যমন্ত্ৰী সৰ্বানন্দ সোণোৱাল, মণিপুৰৰ মুখ্যমন্ত্ৰী এন বীৰেন সিং,কেন্দ্ৰীয় মন্ত্ৰী নৰেন্দ্ৰ সিং টোমৰ,ৰাষ্ট্ৰীয় সাধাৰণ সম্পাদক দিলীপ শইকীয়া ,বিজেপিৰ ৰাষ্ট্ৰীয় উপ-সভাপতি তথা অসমৰ প্ৰভাৰী বৈজয়ন্ত জয় পাণ্ডাই।
ইয়াৰ লগতে পৰিয়ালসহ অসংখ্য গুণমুগ্ধই তেওঁক সংগ দি জয়যাত্ৰাৰ আগজাননী দিয়ে। মনোনয়ন পত্ৰ দাখিলৰ পূৰ্বে পৰিয়ালসহ মন্ত্ৰী ড০ শৰ্মাই অসমৰ শক্তিপীঠ কামাখ্যা মন্দিৰ আৰু উত্তৰ গুৱাহাটীৰ দৌল গোবিন্দ মন্দিৰত সেৱা জনায়। সম্পূৰ্ণ অসমীয়া পোছাকত মনোনয়ন দাখিল কৰা শৰ্মাই সোণাৰাম হাইস্কুল খেলপথাৰৰ পৰা উপায়ুক্ত কাৰ্যালয়লৈ সমদল কৰি উপায়ুক্ত কাৰ্যালয়লৈ যায়।
My heartfelt gratitude to Union Min Sri @nstomar, HCM Sri @sarbanandsonwal, Manipur CM Sri @NBirenSingh, BJP National Gen Secy Sri @DilipSaikia4Bjp and MP Sri @BKalitaAssam for accompanying me to my nomination filing program for #AssamAssemblyPolls today ?#HBSCampaignTrail pic.twitter.com/HyFXrcFxcK
— Himanta Biswa Sarma (@himantabiswa) March 19, 2021