নিয়মীয়া বাৰ্তা ২০ মাৰ্চঃ পশ্চিমবংগত মহাজোঁটৰ হৈ নির্বাচনী প্রচাৰ চলাব চিপিআইৰ তৰুণ নেতা কানহাইয়া কুমাৰে৷ নিশাৰ ভাগতে কানহাইয়া কুমাৰে আহি মেদিনীপুৰ জিলাত উপস্থিত হ’ব বুলি চিপিআইৰ এক সূত্রই সদৰী কৰিছে৷ ৰাজ্যখনত প্রথম দুটা পর্যায়ত দুই মেদিনীপুৰ জিলাত ৬খন আসনত প্রতিদ্বন্দ্বিতা কৰিছে চিপিআইৰ প্রার্থীয়ে৷ গতিকে আৰম্ভণিৰে পৰা চিপিআইৰ প্রার্থীৰ বাবে কানহাইয়া কুমাৰক প্রচাৰত নমোৱাৰ সিদ্ধান্ত লৈছে দলে৷
আজি পটাছপুৰ আৰু টমুলক সমষ্টিত চিপিআইৰ প্রার্থীৰ হৈ নির্বাচনী সমাৱেশত অংশ ল’ব কানহাইয়াই৷ পটাছপুৰত এইবাৰ চিপিআয়ে প্রক্ষেপ কৰিছে দলটোৰ ছাত্র সংগঠন এআইএছএফৰ ৰাজ্যিক সম্পাদক ছৈকত গিৰিক৷ ইফালে টমুলকত আছে চিপিআইৰ প্রার্থী গৌতম পণ্ডা৷ বর্তমান যুৱপ্রজন্মৰ বাবে এক আইকনত পৰিণত হৈছে কানহাইয়া কুমাৰ৷