জালুকবাৰীত প্রচাৰ চলাবলৈ ৰাজপথলৈ ওলাই আহিল ড০ শর্মাৰ শ শ অনুৰাগী

নিয়মীয়া বাৰ্তা ৩ এপ্ৰিলঃ অসমত প্রথম আৰু দ্বিতীয় পর্যায়ৰ নির্বাচনৰ অন্তত তৃতীয় পর্যায়ৰ নির্বাচনলৈ মাজত মাথোঁ চাৰিটা দিন বাকী৷ যিমানে দিন চমু চাপি আহিছে সিমানে দল আৰু প্রার্থীসকলৰ নির্বাচনী প্রচাৰ তীব্রতৰ হৈ উঠিছে৷ ইয়াৰ ভিতৰত ব্যতিক্রম বিজেপিৰ ষ্টাৰ কেম্পেইনাৰ ড০ হিমন্ত বিশ্ব শর্মাই প্রার্থিত্ব আগবঢ়োৱা ৫১ নম্বৰ জালুকবাৰী সমষ্টি৷ সমষ্টিটোত ভাৰতীয় জনতা পার্টীৰ প্রার্থী ড০ হিমন্ত বিশ্ব শর্মাই আজিলৈকে নিজে নির্বাচনী প্রচাৰত নমা নাই৷ তথাপি ড০ শর্মাৰ সমর্থকসকলে দিন–ৰাতি একাকাৰ কৰি সমষ্টিৰ লগতে শুৱালকুছিত নির্বাচনী প্রচাৰ অব্যাহত ৰাখিছে৷ সমষ্টিত যুৱ মর্চা, মহিলা মর্চা, এছ চি মর্চা, কিষাণ মর্চা আদি সকলোৱে ড০ হিমন্ত বিশ্ব শর্মাৰ হকে প্রচাৰত নামি পৰা পৰিলক্ষিত হৈছে৷ আজি সমষ্টিটোৰ অন্তর্গত ১০৩নং পূব শুৱালকুছি মণ্ডল বিজেপিৰ নির্বাচনী সমিতিৰ উদ্যোগত এক বিশাল পদযাত্রা উলিওৱা হয়৷ প্রার্থী ড০ হিমন্ত বিশ্ব শর্মা অবিহনে উলিওৱা পদযাত্রাত অগণন লোকে হাতে–হাতে বিজেপিৰ পতাকা আৰু বিজেপিৰ টুপী পৰিধান কৰি অংশগ্রহণ কৰে৷ মণ্ডল বিজেপিৰ মুখ্য নির্বাচনী কার্যালয়ৰ পৰা উলিওৱা পদযাত্রাত মাটিপর্বত, স্বর্ণপুৰ, মধ্য ফুলবাৰী, চন্দ্রপুৰ, বামুণপাৰা, কেওটপাৰা হৈ অশোকাষ্টমী ক্ষেত্রত সামৰণি মাৰে৷

পদযাত্রাত ভাগ লোৱা জনপ্রিয় কণ্ঠশিল্পী বিদ্যাসাগৰে ড০ হিমন্ত বিশ্ব শর্মাক অভিলেখসংখ্যক ভোটত জয়ী কৰাবলৈ জালুকবাৰীবাসীক আহ্বান জনায়৷ পূব মণ্ডল বিজেপি নির্বাচনী কমিটীৰ সভাপতি শৈলেন শর্মা, সম্পাদক দিগন্ত দাস, হিমাংশু কলিতা, কার্যকর্তা কংকন কলিতাৰ নেতৃত্বত পদযাত্রাত ভাগ লোৱাসকলে মন্ত্রী ড০ হিমন্ত বিশ্ব শর্মা জিন্দাবাদ, দাদা–মামা জিন্দাবাদ আদি ধ্বনিৰে শুৱালকুছি মুখৰ কৰি তোলে৷ পদযাত্রাৰ সময়ত ‘হিমন্ত আহিছে আশাৰে বতৰা লৈ’ শীর্ষক গীত মাইকত বজোৱা হয়৷ আনহাতে মধ্য শুৱালকুছি পঞ্চায়ত মণ্ডল বিজেপি নির্বাচনী প্রচাৰ সমিতিৰ নেতৃত্বতো শ শ লোকে পদযাত্রা কৰি মন্ত্রীগৰাকীৰ বিজয় নিশ্চিত কৰে৷ অংশগ্রহণকাৰীসকল্ ড০ হিমন্ত বিশ্ব শর্মা জিন্দাবাদ ধ্বনিৰে শুৱালকুছিৰ হূদ্পিণ্ড স্বৰূপ মধ্য শুৱালকুছি অঞ্চল মুখৰ কৰি তোলে৷ পদযাত্রাত অভিনেতা যতীন বৰাই ভাগ লৈ অংশগ্রহণকাৰীসকল্ উৎসাহ যোগোৱাৰ লগতে জালুুুকবাৰী সমষ্টিৰ বিজেপি প্রার্থী ড০ হিমন্ত বিশ্ব শর্মাক ভোট দি জয়যুক্ত কৰাৰ আহ্বান জনায়৷
চাংসাৰি–ধোপাতাৰী–সেন্দুৰীঘোপাত বিশাল পদযাত্রা বিজেপিৰ
‘ড০ হিমন্ত বিশ্ব শর্মাৰ পণ, জালুকবাৰী সমষ্টিৰ উন্নয়ন’ –এই কথা আমি সমষ্টিবাসীৰ প্রতিজনে উপলব্ধি কৰি আহিছেছা৷ সমষ্টিটোৰ প্রতি থকা তেওঁৰ দায়বদ্ধতাৰ ফলশ্রুতিত আজি আমি সকলোতে সামগ্রিক উন্নয়ন দেখিছো৷ যি উন্নয়নৰ প্রগতিয়ে সকলোৰে হূদয় স্পর্শ কৰিছে৷ গতিকে তেনে এগৰাকী জনপ্রতিনিধি আমি বহু ভাগ্যৰ বলত লাভ কৰিছেছা৷ যাৰবাবে ড০ হিমন্ত বিশ্ব শর্মা জালুকবাৰীত আমাৰ মনত অপ্রতিৰোধ্য ,অপ্রতিদ্বন্দ্বী বিধায়ক৷ আমাৰ নেতা হিচাপে আমি গৌৰৱ ক’ৰো কাৰণেই নির্বাচনী প্রচাৰত ড০ হিমন্ত বিশ্ব শর্মা অবিহনে হাজাৰ হাজাৰ পুৰুষ–মহিলা , যুৱক–যুৱতীসহ বিজেপি কর্মী, অনুৰাগী, শুভাকাংক্ষীসকল ৰাজপথলৈ সদলবলে ওলাই নির্বাচনী পৰিৱেশ উত্তাল কৰি তুলিছে৷ জালুকবাৰীৰ প্রান্তে প্রান্তে ড০ শর্মাৰ সমর্থনত উলিওৱা বিজেপিৰ নির্বাচনী পদযাত্রাত ভাগ লৈ এনেদৰে মতপোষণ কৰে বহুকেইগৰাকী দলীয় কর্মী–নুৰাগীয়ে৷ উল্লেখ্য যে আজি সমষ্টিটোৰ বেজেৰা মণ্ডলৰ অন্তর্গত শৰাইঘাট পঞ্চায়ত, ধোপাতাৰী পঞ্চায়তৰ অধীনৰ গাঁওসমূহত ভাগে ভাগে বিশাল পদযাত্রা, সমদল উলিওৱা হয়৷

শৰাইঘাট পঞ্চায়তৰ জলাহ সাতগডত কালি সহস্রাধিকৰ উপস্থিতিত সমদল উলিওৱা হৈছিল৷ ইয়াৰ পিছত আজি চাংসাৰিত পদযাত্রা উলিওৱা হয়৷ শ শ পুৰুষ্–মহিলা, যুৱক–যুৱতীয়ে এই পদযাত্রাত ভাগ ল’বলৈ স্বতঃস্ফূর্তভাৱে ওলাই অহা দেখা যায়৷ সকলোৱে হাতে হাতে বিজেপিৰ পতাকা লৈ, ড০ শর্মাৰ প্রতিচ্ছবি লৈ ড০ হিমন্ত বিশ্ব শর্মা জিন্দাবাদ, বিজেপি জিন্দাবাদ ধ্বনি দি পৰিৱেশ মুখৰ কৰি তোলে৷ কার্যসূচীত বেজেৰা মণ্ডল বিজেপি যুৱ মর্চাৰ সভাপতি নৃপেন নাথ, সম্পাদক ভৱেশ নাথৰ লগতে দীপক নাথ, বসন্ত কুমাৰ নাথ, মৃণাল কুমাৰ দেৱ নাথ (অপু), দয়াৰাম নাথ আদি উপস্থিত থাকি পদযাত্রাত ভাগ লোৱা আটাইকে কৃতজ্ঞতা জনায়৷ সমান্তৰালকৈ একেটা সময়তে অর্থাৎ দিনৰ ১০ বজাৰ পৰা ধোপাতাৰী পঞ্চায়তৰ আঠিয়াবৈ–বনমাজাত উলিওৱা হয় বিশাল পদযাত্রা৷ হিমন্ত আহিছে আশাৰ বতৰা লৈ… নির্বাচনী গীতৰ তালে তালে সকলোকে আত্মহাৰা হৈ পৰা পৰিলক্ষিত হ’য়৷ এই পদযাত্রাত ভাগ লয় বিজেপি কিষাণ মর্চাৰ ৰাজ্যিক সভাপতি প্রফুল্ল বৰা, জিলা সভাপতি মৃণাল দাস, ধোপাতাৰী পঞ্চায়তৰ সভাপতি তথা নির্বাচনী সভাপতি কুশল চন্দ্র কলিতাৰ লগতে নৱ কলিতা, নিপন কলিতা আদি কৰি কেইবাজনো নেতাই৷ তদুপৰি একেখন পঞ্চায়তৰ অন্তর্গত চৌকীগেট, নিজ সেন্দূৰীঘোপা, কাটামূৰ, চিলা আদিতো সহস্রাধিকে পদযাত্রাত ভাগ লোৱা দেখা যায়৷ ড০ হিমন্ত বিশ্ব শর্মাৰ ফটোযুক্ত টি ছার্ট পৰিধান কৰি আৰু বিজেপি পতাকা লৈ বিজেপি কর্মী–নুৰাগীয়ে অহা ৬ এপ্রিলত অনুষ্ঠিত হ’বলগীয়া অসম বিধানসভাৰ তৃতীয় পর্যায়ৰ নির্বাচনত ড০ হিমন্ত বিশ্ব শর্মাক যাতে ৰাজ্যৰ ভিতৰতে অভিলেখসংখ্যক ভোটত বিজয়ী কৰি আনিব পাৰে তাৰ প্রতি নির্বাচনী জাগৰণৰ অন্যতম লক্ষ্য হিচাপে এনে বিশাল পদযাত্রা উলিয়ায়৷ কার্যসূচীত বেজেৰা মণ্ডলৰ সাধাৰণ সম্পাদক ৰুবুল দাস , বিজেপিৰ নির্বাচনী বিষয়া তথা সমাজসেৱক যুৱক ভূপেন দাস , ৰঞ্জিত বডো , অগপৰ প্রদূ্যন্ন ডেকাসহ কেইবাগৰাকীয়ে অংশগ্রহণ কৰে৷