– নিজকে হাইড্ৰেটেড ৰাখিব
আপুনি উপবাস ৰাখক বা নাৰাখক, সুস্বাস্থ্যৰ বাবে নিজকে হাইড্ৰেটেড ৰখাটো অতি গুৰুত্বপূৰ্ণ। উপবাসৰ সময়ত যথেষ্ট পৰিমাণে পানী খাব আৰু লগতে নাৰিকল পানী, গাখীৰ, ফলৰ ৰসৰ দৰে হাইড্ৰেটিং পানীয় খাব। উপবাসৰ সময়ত কফি আৰু চাহৰ অত্যাধিক সেৱন পৰিহাৰ কৰিব।
– অত্যাধিক নাখাব
উপবাসৰ সময়ত বহুতো বস্তু খোৱাৰ ওপৰত নিষেধাজ্ঞা আছে। কিন্তু প্ৰায়ে মানুহে পেট ভৰ্তি ৰাখিবলৈ অত্যাধিক পৰিমানে আহাৰ খায়। এনে কৰিলে আপোনাৰ পেটৰ বিকাৰৰ লগতে অন্যান্য সমস্যাও হ’ব পাৰে। গতিকে উপবাস ৰখাৰ সময়ত, আপুনি কি খাই আছে আৰু আপুনি কিমান খাই আছে মনত ৰাখিব।
– কেৱল স্বাস্থ্যকৰ লঘু আহাৰ খাব
উপবাসৰ সময়ত মানুহে প্ৰায়ে যিকোনো সময়তে ভোক অনুভৱ কৰে। গতিকে যদি আপোনাৰ কিবা খাবলৈ মন যায়, তেন্তে কেৱল স্বাস্থ্যকৰ বস্তু খাব। উদাহৰণ স্বৰূপে, আপুনি বুট, মিঠা আলু, বাদাম আৰু ফল খাব পাৰে। এইবোৰ পুষ্টিৰে সমৃদ্ধ আৰু কেলৰি কম।
– চেনীৰ পৰা আঁতৰি থাকক
যদি আপুনি স্বাস্থ্যৱান হৈ থাকিব বিচাৰে, যিমান সম্ভৱ পৰিশোধিত চেনীৰ পৰা দূৰত থাকিবলৈ চেষ্টা কৰক। চেনীৰ ফলত স্বাস্থ্যৰ যথেষ্ট ক্ষতি হয়। আপুনি চেনীৰ সলনি গুড় খাব পাৰে।