নিয়মীয়া বাৰ্তা, ১ জুনঃ ক’ৰোনাৰ আতংকৰ মাজতে পেৰিছত চলি থকা ফ্রেন্স অ’পেনৰ মহিলা ছিংগলছৰ দ্বিতীয় ৰাউণ্ডত প্রৱেশ কৰা জাপানৰ তাৰকা টেনিছ খেলুৱৈ নাওমি অ’ছাকাক জৰিমনা বিহা হৈছে৷
দেওবাৰে গ্রেণ্ডশ্লামখনৰ প্রথম ৰাউণ্ডৰ মেচখনত জয়লাভৰ অন্তত সংবাদ মেল সম্বোধন নকৰাৰ অপৰাধত দ্বিতীয় বাছনিৰ অ’ছাকাক ১৫ হাজাৰ ডলাৰৰ জৰিমনা বিহাৰ লগতে ভৱিষ্যতে যাতে পুনৰ এনে কার্য নকৰে, তাৰ বাবে সকীয়নি দিয়ে গ্রেণ্ডশ্লামখনৰ আয়োজকে৷
উল্লেখ্য যে দেওবাৰে হৈ যোৱা প্রথম ৰাউণ্ডৰ মেচখনত চাৰিবাৰৰ গ্রেণ্ডশ্লাম বিজয়ী ২৩ বছৰীয়া অ’ছাকাই ৰোমানিয়াৰ পেট্রিচিয়া মাৰিয়া টিগক ৬–৪, ৭–৬ (৪) ছেটত পৰাস্ত কৰিছিল৷