নিয়মীয়া বাৰ্তা, ৬ জুন: টিভিৰ জনপ্রিয় ধাৰাবাহিক নাগিন–৩ৰ অভিনেতা পার্ল ভি পুৰীক ধর্ষণৰ অভিযোগত মুম্বাই আৰক্ষীয়ে গ্রেপ্তাৰ কৰিছে৷ মুম্বাই আৰক্ষীয়ে প্রকাশ কৰা মতে নাগিন–৩ৰ অভিনেতা তথা ব্রহ্মৰাক্ষস–২ত অভিনয় কৰা পার্ল ভি পুৰীৰ বিৰুদ্ধে ধর্ষণ আৰু যৌন নির্যাতনৰ গোচৰ ৰুজু হোৱাৰ পিছতেই আৰক্ষীয়ে গ্রেপ্তাৰ কৰিছে৷
অভিনেতাজনৰ লগতে আন ৬জনৰ বিৰুদ্ধে ধর্ষণৰ গোচৰ ৰুজু হৈ আছে৷ নিপীড়িত যুৱতীয়ে প্রকাশ কৰা মতে অভিনেতা পুৰীয়ে কাৰৰ ভিতৰত তেওঁক প্রথমে ধর্ষণ কৰিছিল আৰু পিছলৈ বিভিন্ন স্থানত যৌন নির্যাতন চলায়৷ অভিনেতা পুৰীসহ অভিযুক্ত আটাইকেইজনক মুম্বাই আৰক্ষীয়ে গ্রেপ্তাৰ কৰি জিম্মাত ৰাখিছে৷
আৰক্ষীয়ে প্রকাশ কৰা মতে পকছ’ আইনৰ অধীনত অভিনেতা ভি পুৰীক গ্রেপ্তাৰ কৰা হৈছে৷ কালি মুম্বাইৰ ৱালিভ আৰক্ষী থানাই আম্বলি আৰক্ষীৰ সহায়ত ভি পুৰীক গ্রেপ্তাৰ কৰিছে৷