নিয়মীয়া বাৰ্তা ১ জুলাইঃ মঠঘৰীয়াত এগৰাকী মাংস ব্যৱসায়ীয়ে বুধবাৰে এজন গ্রাহকক দাৰে ঘপিওৱা ঘটনাই তীব্র চাঞ্চল্য সৃষ্টি কৰিছে৷ আৰক্ষীয়ে জানিবলৈ দিয়া মতে, প্রশান্ত ডেকা নামৰ গ্রাহকজন আৰু মাংস ব্যৱসায়ী শিৱ মেধিৰ সৈতে মাংসৰ দৰ–দামক লৈ প্রথমে কথাৰ কটাকটি হয়৷
ইয়াৰ পাছতে মাংস ব্যৱসায়ী শিৱ মেধিয়ে গ্রাহকজনক দাৰে ঘপিয়ায়৷ দাৰ ঘাপত গুৰুতৰভাৱে আহত প্রশান্ত ডেকাক স্থানীয় ৰাইজে উদ্ধাৰ কৰি গেট হাস্পতালত ভর্তি কৰে৷ ইফালে ব্যৱসায়ী শিৱক ৰাইজে উত্তম–মধ্যম শোধাই আৰক্ষীক গতাই দিয়ে৷