নিয়মীয়া বাৰ্তা১৩ ছেপ্টেম্বৰ :- দক্ষিণ শালমাৰা মানকাচৰ জিলাৰ মানকাচৰ থানা এলেকাৰ অসম মেঘালয় সীমান্তবৰ্তী টেপৰপাৰা গাঁৱৰ দুই যুৱকে কালি সন্ধিয়া এখন মটৰ চাইকেল লৈ চুবুৰীয়া ৰাজ্য মেঘালয়ৰ পশ্চিম গাৰো পাহাৰ জিলাৰ গাৰোবাধাত পূজা উপভোগ কৰিবলৈ যায়। ঘৰলৈ উভতাৰ পথত মটৰ চাইকেল দুৰ্ঘটনা হৈ দুয়ো মৃত্যু মুখত পৰে। যুৱক দুজনক টেপৰপাৰা গাঁৱৰ ছামাদ শেখৰ পুত্ৰ মুলুক চান্দ শেখ (৩২) আৰু ৰিয়াজ উদ্দীনৰ পুত্ৰ আহিনুৰ ইছলাম (৩০) বুলি চিনাক্ত কৰা হৈছে। সম্প্ৰতি দুয়োৰে মৃতদেহ মেঘালয় আৰক্ষীয়ে উদ্ধাৰ কৰি মৰণোত্তৰ পৰীক্ষাৰ বাবে তুৰা অসামৰিক চিকিৎসালয়ত প্ৰেৰণ কৰিছে বুলি জানিব পৰা গৈছে।