আইএছএছৰ পৰা পৃথিৱীলৈ উভতিল ৰুছ অভিনেত্রী য়ুলিয়া

নিয়মীয়া বাৰ্তা ১৮ অক্টোবৰঃ আন্তর্জাতিক মহাকাশ আস্থান (আইএছএছ)ত প্রথমখন চলচ্চিত্রৰ দৃশ্যগ্রহণ কৰাৰ পিছত ৰাছিয়াৰ ক্লিম শ্বিপেনক’ আৰু অভিনেত্রী য়ুলিয়া পেৰেছিল্ড পৃথিৱীলৈ উভতি আহিছে৷ দেওবাৰে কাজাকাস্তানত দুয়োগৰাকীয়ে অৱতৰণ কৰাৰ পিছতেই চলচ্চিত্রৰ সৈতে জড়িত অন্য কলা–কুশলীসকলে তেওঁলোকক আদৰণি জনায়৷ লক্ষণীয়ভাৱে চলচ্চিত্র ‘দ্য চেলেঞ্জ’ৰ দৃশ্যগ্রহণৰ সময়ত আই এছ এছত সৃষ্টি হৈছিল ভয়াৱহ কম্পন৷

এই কম্পনৰ পৰা কথমপি ৰক্ষা পৰে য়ুলিয়া আৰু চলচ্চিত্র নির্দেশকগৰাকী৷ কোনো চিত্রনাট্য অবিহনে এই ছবিখনৰ দৃশ্যগ্রহণ কৰা হৈছে মহাকাশত৷ এইক্ষেত্রত গুৰুত্বপূর্ণ ভূমিকা গ্রহণ কৰে পূর্বৰে পৰা মহাকাশ আস্থানত বাহৰ পাতি থকা নভোচৰ অ’লেগ নভিটস্কিয়ে৷ স্মর্তব্য যে ৰাছিয়াৰ তৰফৰ পৰা আই এ এছত প্রথমখন ছবিৰ দৃশ্যগ্রহণৰ পিছতে টম ক্রুইজক লৈ হলীউডে এখন ছবি নির্মাণৰ চিন্তা–চর্চা চলাইছে মহাকাশত৷ হলীউডৰ এই ছবিখনৰ বাবে উদ্যোগ গ্রহণ কৰিছে নাছা আৰু ধন কুবেৰ এলন মাস্কৰ স্পেচ এক্সে।