নিয়মীয়া বাৰ্তা, ২৯ অক্টোৱৰ: এটি পথ মেৰামতিৰ দাবীত উত্তাল হয় বকোৰ ছমৰীয়াৰ ৰাজপথ ৷ কামৰূপ জিলাৰ বকো সমষ্টিৰ ছমৰীয়াৰ পৰা মালিবাৰীলৈ যোৱা জৰাজীৰ্ণ পথ মেৰামতিৰ দাবীত আজি সদৌ অসম বাঙালী পৰিষদে ছমৰীয়াত তীব্ৰ প্ৰতিবাদ সাব্যস্ত কৰে ৷
ছমৰীয়া হাইস্কুল চ’কৰ পৰা মালিবাৰীলৈকে যোৱা জৰাজীৰ্ণ পি ডব্লিউ ডি পথটো পুনৰ নিৰ্মাণ কৰাৰ বাবে অসম মিঞা পৰিষদৰ সহযোগত সদৌ অসম বাঙালি পৰিষদৰ কামৰূপ জিলা সমিতিৰ উদ্যোগত এই প্ৰতিবাদী কাৰ্যসূচী ৰূপায়ণ কৰা হয় ৷ প্ৰতিবাদকাৰীসকলে হাতে হাতে প্লাকাৰ্ড লৈ বিভিন্ন শ্লোগানেৰে ৰাজপথ উত্তাল কৰি তোলে ৷ লগতে ছমৰীয়া ৰাজহ চক্ৰ বিষয়াৰ জৰিয়তে অসমৰ মুখ্যমন্ত্ৰীলৈ এখনি স্মাৰকপত্ৰ প্ৰেৰণ কৰে ৷
প্ৰেৰকঃ কামাৰুজ জামান/বকো