নিয়মীয়া বাৰ্তা ২ ডিচেম্বৰঃ চিৰাঙৰ বিজনীত আৰক্ষীৰ ড্ৰাগছৰ বিৰুদ্ধে অভিযান অব্যাহত। কালি নিশা বিজনী আৰক্ষীৰ অভিযানত কাৱাটিকাৰ খানপাৰা ৰেল লাইনৰ ওচৰত ড্ৰাগছসহ এজন সৰবৰাহকাৰীক গ্ৰেপ্তাৰ কৰা হয়। ধৃত সৰবৰাহকাৰীটো কাৱাটিকাৰ খানপাৰা নিবাসী ফাৰখ আবদুল্লা(21) । সৰবৰাহকাৰীটোৰ পৰা আৰক্ষীয়ে ২০ ড্ৰাগছভৰ্তি প্লাষ্টিক কণ্টেইনাৰ আৰু এটা মোবাইল হেণ্ডছেট জব্দ কৰিবলৈ সক্ষম হয়। আৰক্ষীৰ সূত্ৰত জানিব পৰা মৰ্মে আৰক্ষীয়ে অধিক তথ্যৰ বাবে তদন্ত অব্যাহত ৰাখিছে।