নিয়মীয়া বাৰ্তা ১২ মাৰ্চঃ ৰজা দিনীয়া এক পুৰণিকলীয়া পৰম্পৰাৰে গোলাঘাটত সম্পন্ন হ’ল এখন বিবাহ অনুষ্ঠান ।গজৰাজৰ পিঠিত উঠি কইনাৰ ঘৰলৈ গ’ল দৰা । একেদৰে বৰ যাত্ৰীও গ’ল গৰু গাড়ীত উঠি । এই পুৰণি পৰম্পৰাগত বিবাহ সম্পন্ন হয় গোলাঘাট জিলাৰ জোনাকী নগৰৰ ভগা গাওঁত । ভগা গাওঁৰ বাসিন্দা পুহেশ্বৰ দাসৰ পুত্ৰ সত্যজিৎ দাস হ’ল দৰা । আৰু সমীপৱৰ্তী শিয়ালেখাটী গাওঁৰ বাসিন্দা লীলাধৰ দাসৰ জীয়ৰী নিহাৰীকা দাস হ’ল কইনা । দুয়োৰে সিদ্ধান্ত মৰ্মে , দৰা যাব গজৰাজৰ উঠি আৰু কইনা আহিব চৈ দিয়া গৰুগাড়ীত উঠি । আৰু সিদ্ধান্ত মৰ্মে বেন পাৰ্টীৰ সংগীতৰ মাজেৰে গজৰাজৰ পিঠিত উঠি নিৰ্দিষ্ট সময়ত দৰা উপস্থিত হ’ল কইনাৰ ঘৰত । পিছে পিছে চৈ দিয়া গৰুগাড়ীত উঠি গ’ল বৰযাত্ৰী । অৱশ্যে কইনাৰ ঘৰ ওচৰতে হোৱা বাবে খোজ কাঢ়িও গ’ল একাংশ বৰযাত্ৰী । আৰু অগণন লোকে নয়ন সাৰ্থক কৰিলে পুৰণি পৰম্পৰাগত বিবাহৰ বৰ আৰু বৰযাত্ৰী যাত্ৰা চাই । যি সময়ত বিয়াৰ দৰা যাবৰ বাবে বিলাসী বাহন সঁজাই পৰাই সুন্দৰ কৰি দৰাক উঠাই লৈ যোৱা হয় তেনে সময়ত দৰা সত্যজিৎ দাসৰ এনে সিদ্ধান্তক সকলোৱে সলাগ লৈছে ।