নিয়মীয়া বাৰ্তা, ৩০ জুনঃ বানে ধোৱা ৰঙিয়াৰ বগৰীবাৰীৰ খেতিপথাৰত এতিয়া মৰুভূমিসদৃশ পৰিবেশ । প্ৰলয়ংকৰী বানত পোত গৈছে কৃষিভূমি । ইয়াৰ ফলত হাজাৰ হাজাৰ বিঘা মাটিৰ শস্য বিনষ্ট হৈছে । যাৰ বাবে মূৰে-কপালে হাত দিব লগা হৈছে দুৰ্ভগীয়া কৃষকসকলে । কৃষি প্ৰধান বৃহত্তৰ অঞ্চলটোৰ অধিকাংশ লোকে জীৱিকাৰ পথ হেৰুৱাই হাহাকাৰ কৰিব লগা হৈছে । প্ৰায় ৫-৬ ফুট বালি মাটিৰে পোত যোৱা এই কৃষিভূমিত অনাগত ১০-১২ বছৰলৈ খেতিয়ক সকলে কৃষি কাৰ্য্য কৰিব নোৱাৰিব । জীৱিকা হেৰুওৱা এইসকল ভুক্তভোগী খেতিয়কে ক্ষতিপূৰণ আৰু সাহাৰ্যৰ দাবী জনাইছে চৰকাৰৰ ওচৰত ।
প্ৰেৰক ফাৰুক হুছেইন