আজি ঘোষণা কৰা হাইস্কুল শিক্ষান্ত পৰীক্ষাৰ ফলাফলত পাটাছাৰকুছি শংকৰদেৱ শিশু বিদ্যা নিকেতনৰ ছাত্ৰ জ্যোতিৰ্ময় দাসে ৯৮.৫ শতাংশ নম্বৰেৰে ৰাজ্যৰ ভিতৰতে প্ৰথম স্থান লাভ কৰিবলৈ সক্ষম হৈছে৷
তেওঁ অসমীয়াত ১০০, ইংৰাজীত ৯৬, সাধাৰণ গণিতত ১০০, সাধাৰণ বিজ্ঞানত ৯৭, সমাজ বিজ্ঞানত ৯৮, উচ্চ গণিতত ১০০ নম্বৰ সহ মুঠ ৫৯১ নম্বৰ লাভ কৰিছে৷
তেওঁ পাটাছাৰকুছি মৰ্কা নিবাসী সতীশ চন্দ্ৰ দাস আৰু ববিতা দাসৰ পুত্ৰ৷ তেওঁৰ এই সাফল্যত শিক্ষানুষ্ঠানখনৰ আচাৰ্য আচাৰ্যা, ছাত্ৰছাত্ৰীৰ লগতে স্থানীয় ৰাইজে আনন্দ প্ৰকাশ কৰিছে৷
নিয়মীয়া বাৰ্তা, পাটাছাৰকুছি, ১০ এপ্ৰিল