নিয়মীয়া বাৰ্তা ২১ জানুৱাৰীঃ তেজপুৰত আৰক্ষী–নিৰাপত্তা বাহিনীৰে গিজগিজাহ থকাৰ সময়ত দৰং মহাবিদ্যালয়ৰ এগৰাকী ছাত্রীক অপহৰণ কৰি পাঁচ লাখ টকা দাবী কৰা ঘটনাই চাঞ্চল্য সৃষ্টি কৰিছে৷ তেজপুৰ শংকৰ নগৰ নিৱাসী মনোজ নাথ আৰু মৃদুলা দেৱীৰ জীয়ৰী তথা দৰং মহাবিদ্যালয়ৰ বাণিজ্য শাখাৰ একাদশ শ্রেণীৰ ছাত্রী পৰীস্মিতা দেৱীক বৃহস্পতিবাৰে দুপৰীয়া অপহৰণ কৰাৰ অভিযোগ উত্থাপন হৈছে৷
ঘটনা অনুসৰি, বৃহস্পতিবাৰে বিয়লি প্রায় ১ বজাত পৰীস্মিতাৰ মাতৃ মৃদুলা দেৱীৰ লগত শেষবাৰৰ বাবে কথা পতাৰ সময়ত পৰীস্মিতাহ ক্লাছ শেষ হৈছে আৰু ঘৰলৈ গৈ আছোঁ বুলি কয়৷ কিন্তু ডেৰ বজাত পৰীস্মিতাৰ ম’বাহল ফোনৰ পৰা এজন যুৱকে তেওঁৰ কন্যাক অপহৰণ কৰা হৈছে বুলি জনোৱাৰ লগতে মুক্তিপণ ৫ লাখ টকা দাবী কৰা বুলি পৰীস্মিতাৰ মাতৃ মৃদুলা দেৱীয়ে সংবাদ মাধ্যমৰ আগত ব্যক্ত কৰে৷ আনকি মাতৃয়ে কন্যাক বিচাৰি পুনৰ ফোন কৰাত মিছন চাৰিআলিত থকা বুলি জনোৱাত পৰিয়ালৰ লোক মিছন চাৰিআলিলৈ আহি পুনৰ ফোন কৰাত সংযোগ স্থাপন কৰিব নোৱাৰিলে বুলি জনায়৷
আনহাতে, ঘটনা সন্দর্ভত মাতৃ মৃদুলা দেৱীয়ে কন্যাক বিচাৰি তেজপুৰ সদৰ থানাত এজাহাৰ দাখিল কৰিছে৷ তেজপুৰ চহৰৰ মাজমজিয়াৰ পৰা দিন–দুপৰতে এগৰাকী ছাত্রী কেনেকৈ অপহৰণ হ’ব পাৰিলে আৰু প্রকৃততে এয়া অপহৰণ নে অন্য ঘটনা, তাক লৈ প্রশ্ণ উত্থাপন হৈছে৷ এহ সমগ্র ঘটনাৰ ৰহস্য আৰক্ষীৰ তদন্তৰ অন্ততহে পোহৰলৈ আহিব৷