নিয়মীয়া বাৰ্তা ২১ জানুৱাৰীঃ সুদীর্ঘ বছৰৰ যাতায়াতৰ দুর্যোগৰ অৱসান ঘটাই ডিগাৰু নৈৰ ওপৰত বৰবিলা–চন্দ্রপুৰ সংযোগী পকী দলঙৰ কামৰ শুভাৰম্ভ কৰে সংশ্লিষ্ট নির্মাণ প্রতিষ্ঠানে৷ সম্পূর্ণ মাংগলিক পদ্ধতিৰে বৈদিক নীতি–নিয়মৰ মাজেদি গংগাক পূজা আগবঢ়াই প্রতিষ্ঠানটোৱে আজি নির্মাণকার্য আৰম্ভ কৰে৷ এই শুভাৰম্ভ অনুষ্ঠানত নির্মাণ প্রতিষ্ঠানটোৰ স্বত্বাধিকাৰী হেমন্ত ভাগৱতী, গড়কাপ্ঢানী বিভাগৰ দিছপুৰ টেৰিটৰিয়েল পথ শাখাৰ সহকাৰী অভিযন্তা ৰূপম ডেকাৰ লগতে স্থানীয় ৰাইজ উপস্থিত থাকে৷ উল্লেখ্য যে বৰবিলা–চন্দ্রপুৰ সংযোগী ১০ কিলোমিটাৰ দৈর্ঘ্যৰ পথটোৰ লগতে ডিগাৰু নৈৰ ওপৰত ৬৬ মিটাৰ দৈর্ঘ্য আৰু ৭.৫ মিটাৰ প্রস্থৰ এখন দলং নির্মাণ হ’ব৷ যোৱা ৮ ছেপ্ঢেম্বৰত ইয়াৰ আধাৰশিলা স্থাপন কৰা হৈছিল যদিও আজিহে দলং নির্মাণৰ কাম আনুষ্ঠানিকভাৱে আৰম্ভ হয়৷ সর্বমুঠ ১২ কোটি ৩৪ লাখ টকা ব্যয়েৰে নির্মাণ হ’ব পথ আৰু দলংখন৷ আজিৰে পৰা দলংখনৰ কাম আৰম্ভ হোৱাত সন্তুষ্টি লাভ কৰিছে অঞ্চলবাসীয়ে৷ বিভাগীয় নির্দেশ অনুসৰি দুবছৰ পূর্বে নির্মাণ সম্পূর্ণ হ’ব দলঙৰ কাম৷