নিয়মীয়া বার্তা, ৩০ আগষ্টঃ মহামাৰী ৰূপ লোৱা ক’ৰোনা ভাইৰাছৰ সংক্রমণ ৰোধৰ বাবে চিকিৎসক, চিকিৎসাকর্মী, আৰক্ষীৰ সমান্তৰালকৈ অগ্নি আৰু আপদকালীন সেৱাত জড়িত জোৱানসকলেও গুৰুত্বপূর্ণ ভূমিকা গ্রহণ কৰি আহিছে৷ ক’ভিড–১৯ৰ বিৰুদ্ধে যুঁজ দি আজি শ্বহীদ হ’ল চিলাপথাৰৰ অগ্ণি আৰু আপদকালীন সেৱা স্থানৰ বিষয়া যুগল চন্দ্র পায়েং৷ ৰাজ্যৰ ৩৭টা অগ্নি আৰু আপদকালীন সেৱা স্থানৰ সর্বমুঠ ২০২গৰাকী বিষয়া–কর্মচাৰী ক’ভিড–১৯ত আক্রান্ত হৈছে৷ ইয়াৰ ভিতৰত গুৱাহাটী অগ্ণি নির্বাপক আৰু আপদকালীন সেৱা স্থানৰ ২৩জন, পাণ্ডুৰ ৩জন, চান্দমাৰীৰ ২০জন, লখৰাৰ ৮জন, দিছপুৰৰ এজন আৰু মুখ্য কার্যালয়ত কর্মৰত ৮জন অগ্ণি নির্বাপক বাহিনীৰ কর্মচাৰী ক’ভিড–১৯ত আক্রান্ত হয়৷ গুৱাহাটীত কর্মৰত অগ্ণি নির্বাপক বাহিনীৰ সর্বমুঠ ৬১জন জোৱান ক’ভিড–১ত আক্রান্ত হয়৷ অগ্নি নির্বাপক বাহিনীৰ সর্বমুঠ ২০২জন জোৱান ক’ভিড–১৯ত আক্রান্ত হয়৷ ইয়াৰ ভিতৰত ১৮০জন জোৱানে ক’ৰোনা জয় কৰি পুনৰ কর্মত যোগদান কৰিছে যদিও ২২জন জোৱান এতিয়াও ক’ৰোনা ভাইৰাছত আক্রান্ত হৈ চিকিৎসাধীন হৈ আছে৷