নিয়মীয়া বাৰ্তা, ১৮ অক্টোবৰঃ এয়াৰ ট্ৰেফিক গীল্ড চমুকৈ এটিচি গীল্ড ( আই ) উত্তৰ পূব মণ্ডলৰ উদ্যোগত গুৱাহাটীৰ বৰঝাৰস্থিত লোকপ্ৰিয় গোপীনাথ বৰদলৈ আন্তৰ্জাতিক বিমানবন্দৰ চৌহদত অহা ২০ অক্টোবৰত আন্তৰ্জাতিক বিমান নিয়ন্ত্ৰক দিৱস উদযাপন কৰা হব।
গীল্ডৰ উত্তৰ পূব মণ্ডলৰ সাধাৰণ সম্পাদক প্ৰভাকৰ প্ৰভাতে জানিবলৈ দিয়া মতে ইণ্টাৰনেশ্যনেল ফেডাৰেছন অফ এয়াৰ ট্ৰেফিক কংট্ৰলাৰছ এছোচিয়েছনৰ (আই এফ এ টি চি এ) আহ্বান মৰ্মে ১৯৬১ চনৰ ২০ অক্টোবৰৰ পৰা এই দিৱস উদযাপন কৰি অহা হৈছে । বিশেষকৈ বিমান পৰিবহণ খণ্ডৰ আটাইতকৈ বেছি দায়িত্বপূৰ্ণ, স্পৰ্শকাতৰ সেৱাত ২৪ ঘন্টাই নিয়োজিত লোকসকলক উৎসাহিত আৰু যিসকলে ইতিমধ্যে ইহসংসাৰ ত্যাগ কৰিছে তেওঁলোকক সোঁৱৰণ কৰাৰ বাবে প্ৰতি বছৰে ২০ অক্টোবৰৰ দিনটোত এই দিৱস উদযাপন কৰা হয় ।