নিয়মীয়া বাৰ্তা, ১১ মাৰ্চঃ পাকিস্তান বায়ুসেনাৰ এখন F-16 যুদ্ধবিমান দুৰ্ঘটনাত পতিত হৈছে । এই দুৰ্ঘটনাত দেশখনৰ বায়ুসেনাৰ উইং কামাণ্ডাৰ নোমান আকৰাম নিহত হোৱা বুলি এক সূত্ৰত প্ৰকাশ পাইছে । জানিব পৰা মতে দেশখনত ২৩ মাৰ্চত অনুষ্ঠিত হ’বলগীয়া পাকিস্তান ডে পেৰেডৰ অনুশীলন চলাই থকাৰ সময়তে এই দুৰ্ঘটনাটো সংঘটিত হয় ।
উল্লেখ্য যে আমেৰিকাত নিৰ্মিত এই F-16 যুদ্ধবিমানখন ২০১৯ ত প্ৰায়ে চৰ্চালৈ আহিছিল । যেতিয়া ভাৰতে বালাকোটত সন্ত্ৰাসবাদী আক্ৰমণ কৰিছিল, তাৰ প্ৰত্যুত্বৰত পাক সেনাই ভাৰতত আক্ৰমণৰ লক্ষ্যৰে সীমা অতিক্ৰম কৰাৰ বাবে এনে এখন F-16 যুদ্ধবিমান ভাৰতীয় বায়ুসেনাই ধ্বংস কৰিছিল ।