নিয়মীয়া বাৰ্তা ১১ মাৰ্চঃ অৱশেষত সকলো জল্পনা কল্পপনাৰ অৱসান ঘটাই বিজেপিত যোগদান জ্য়োতিৰাদিত্য সিন্ধিয়া। সিন্ধিয়াই মঙলবাৰে কংগ্ৰেছ দলৰ পৰা পদত্যাগ কৰিছিল। বিজেপিৰ সদস্য পদ গ্ৰহণ কৰি সিন্ধিয়াই কয় যে তেওঁৰ জীৱনত দুটা গুৰুত্বপূৰ্ণ দিন প্ৰথম দিনটো ৩০ ছেপ্টেম্বৰ ২০০১ যেতিয়া দেউতাকক হেৰুৱাইছিল, তেতিয়া তেওঁৰ জীৱন সলনি হৈ গৈছিল আৰু ১০ মাৰ্চ ২০২০ য’ত তেওঁ জীৱনৰ এটা বৃহৎ নিৰ্ণয় লৈছে। লগতে সিন্ধিয়াই প্ৰধানমন্ত্ৰী নৰেন্দ্ৰ মোডী, গৃহমন্ত্ৰী অমিত শ্বাহৰ ধন্যবাদ জ্ঞাপন কৰি কয় যে তেওঁলোকে বিজেপিৰ পৰিয়ালক স্থান দিয়াৰ বাবে। জ্য়োতিৰাদিত্য সিন্ধিয়াই বিজেপিৰ সভাপতি জে পি নাড্ডাৰ পৰা দলৰ সদস্যতা গ্ৰহণ কৰে।