৩৮ পত্নী–৮৯ সন্তান–৩৬ নাতি বিশ্বৰ বৃহত্তম পৰিয়ালৰ মুৰব্বীৰ মৃত্যুত শোক

নিয়মীয়া বাৰ্তা ১৫ জুনঃ বিশ্বৰ ভিতৰতে বৃহত্তম পৰিয়ালৰ মুৰব্বী হিচাপে চিহ্ণিত ভাৰতৰ মিজোৰামৰ জিওনা চানাৰ দেহাৱসান ঘটিছে৷ বহু বিবাহক নিজৰ আদর্শ হিচাপে মানি লোৱা ধর্মীয় নেতাগৰাকীৰ কালি ৭৬ বছৰ বয়সত দেহাৱসান ঘটা বুলি সংবাদ মাধ্যমে সদৰী কৰিছে৷ জিওনা চানাই এৰি থৈ গৈছে ৩৮ পত্নী, ৮৯ সন্তান আৰু ৩৬ নাতি–নাতিনীক৷ মিজোৰামৰ মুখ্যমন্ত্রী জোৰামথাংগাই চানাৰ বিয়োগত গভীৰ শোক প্রকাশ কৰিছে৷ উচ্চ ৰক্তচাপ আৰু মধুমেহ ৰোগত ভুগি আছিল চানা৷ চিকিৎসকে সংবাদ সংস্থা পি টি আইক জনোৱা অনুসৰি নিজৰ জন্মগাঁও বাকটাৱাং লাংনুৱামৰ বাসগৃহতে চানাৰ চিকিৎসা চলাই থকা হৈছিল যদিও লাহে লাহে তেওঁৰ স্বাস্থ্যৰ অৱনতি ঘটি আহিছিল৷