নিয়মীয়া বাৰ্তা, ২০ ডিচেম্বৰঃ বেংগল ইষ্টার্ন ফ্রণ্টিয়াৰ ৰেগুলেচন–১৮৭৩ অনুসৰি মেঘালয়ত ইনাৰলাইন পার্মিট ৰূপায়ণ কৰিবৰ বাবে বৃহস্পতিবাৰে ৰাজ্যখনৰ বিধানসভাত সর্বসন্মত প্রস্তাৱ গৃহীত কৰা হয় ৷ মুখমন্ত্রী কনৰাড কে চাংমাই উত্থাপন কৰা এই প্রস্তাৱ দলৰ আন বিধায়কসকলৰ লগতে সহযোগী বিজেপিয়েও সমর্থন জনায় ৷
উল্লেখ্য যে ইনাৰলাইন পার্মিটৰ জৰিয়তে শেহতীয়াকৈ নাগালেণ্ড, মিজোৰাম, অৰুণাচল প্রদেশ আৰু মণিপুৰত খিলঞ্জীয়াৰ সুৰক্ষা নিশ্চিত কৰা হৈছে ৷
সেয়েহে মেঘালয়তো অবৈধ অনুপ্রৱেশকাৰীক চিনাক্ত কৰাৰ বাবে ৰাজ্যবাসীয়ে ইনাৰলাইন পার্মিটৰ প্রয়োজনীয়তা অনুভৱ কৰি ব্যৱস্থা ল’বলৈ আহ্বান জনাইছে ৷
উল্লেখ্য যে সম্প্রতি কেন্দ্রীয় চৰকাৰে নাগৰিকত্ব সংশোধনী আইন ৰূপায়ণ কৰাৰ পাছত ভাৰতৰ বিভিন্ন ৰাজ্যৰ লগতে মেঘালয়তো দল–সংগঠনে তীব্র প্রতিবাদ সাব্যস্ত কৰিছে ৷