বাংলাদেশত হিন্দুৰ ওপৰত চলা নিৰ্মম অত্যাচাৰ বন্ধ কৰাৰ দাবীৰে বিশাল প্ৰতিবাদী সমদল উলিওৱাৰ লগতে প্ৰতিকৃতি দাহ কৰা হয়। কামৰূপৰ নগৰবেৰাৰ মালিবাৰীত বিশ্ব হিন্দু পৰিষদ আৰু বজৰং দলে এই বৃহৎ প্ৰতিবাদী সমদল উলিয়ায়।
মালিবাৰী বজাৰৰ পৰা মালিবাৰী সত্ৰ খেলপথাৰলৈ এই প্ৰতিবাদী সমদল উলিয়াই বিভিন্ন প্ৰতিবাদী শ্ল’গানেৰে মুখৰিত হয় পৰিবেশ। লগতে প্ৰতিবাদকাৰীসকলে বাংলাদেশৰ মঃ ইউনুছৰ প্ৰতিকৃতি দাহ কৰি পৰিবেশ উত্তাল কৰাৰ উপৰি বাংলাদেশ চৰকাৰক সকীয়নি প্ৰদান কৰে।
আনহাতে বাংলাদেশৰ লগতে বিশ্বৰ বিভিন্ন প্ৰান্তত থকা হিন্দুসকলৰ সুৰক্ষা সুনিশ্চিত কৰিবলৈ ভাৰতৰ প্ৰধানমন্ত্ৰী মোদীকো বিশেষ আহ্বান জনায় প্ৰতিবাদকাৰীসকলে।
নিয়মীয়া বাৰ্তা, নগৰবেৰা, ২৭ ডিচেম্বৰ