নিয়মীয়া বাৰ্তা ১৩ আগষ্টঃ ছিপাঝাৰৰ শাকতোলাৰ ১৫ নং ৰাষ্ট্রীয় ঘাইপথত বৃহস্পতিবাৰে পুৱতিনিশা সংঘটিত হয় এটা ভয়ংকৰ দুর্ঘটনা৷ ৰাষ্ট্রীয় ঘাইপথৰ শাকতোলা নৈৰ দলঙৰ ৰেলিং ভাগি এখন গধুৰ ট্রাক নৈত পৰে৷
ঘটনাৰ বিৱৰণী মতে, তেজপুৰৰ পৰা গুৱাহাটী অভিমুখে গৈ থকা অৱস্থাত এন এল ০১ জি ৬৩২৮ নম্বৰৰ ওঠৰ চকাৰ ট্রাকখন উল্লিখিত স্থানত থকা দলঙৰ ৰেলিং ভাগি শাকতোলা নৈত পৰে৷ ঘটনাটোত ট্রাকখনৰ চালক আৰু হেণ্ডিমন দুয়ো গুৰুতৰভাৱে আহত হোৱাত চিকিৎসালয়ত ভর্তি কৰোৱা হয়৷
স্থানীয় ৰাইজৰ অভিযোগ মতে ৰাষ্ট্রীয় পথ হিচাপে এই দলংখন যথেষ্ট ঠেক৷ সেয়ে দুর্ঘটনাটো সংঘটিত হৈছে৷ লক্ষণীয় যে নৈখন প্রায় শুকান হৈ থকাৰ বাবেই কোনোমতে ৰক্ষা পৰে চালক আৰু হেণ্ডিমেনজন৷