হল অৱ ফেমত কিংবদন্তি পেচাৰ ব্রেট লী

কিংবদন্তি ক্রিকেটাৰ তথা এসময়ৰ দুর্দান্ত পেচাৰ ব্রেট লীৰ নাম হল অৱ ফেমত অন্তর্ভুক্ত হৈছে৷ ক্রিকেট অষ্ট্রেলিয়াই শেহতীয়াভাৱে ছ’চিয়েল মিডিয়াযোগে এই কথা সদৰী কৰিছে৷

৭৬খন টেষ্ট, ২২১খন এদিনীয়া মেচত অষ্ট্রেলিয়াক প্রতিনিধিত্ব কৰা ব্রেট লীয়ে ৭১৮টা উইকেটৰে দেশখনৰ চতুর্থ সর্বাধিক উইকেট দখলকাৰী হিচাপে পৰিগণিত হৈছিল৷

তেওঁ ২৫খন আন্তঃৰাষ্ট্রীয় টি–২০ ক্রিকেটতো অংশ লৈ ২৮টা উইকেট দখল কৰিছিল৷ বেটিঙতো দলৰ সংকটৰ সময়ত গুৰুত্বপূর্ণ অৱদান আগবঢ়োৱাত ব্রেট লীয়ে ২,০১২টা ইনিংছত ২,৭২৮ ৰান সংগ্রহ কৰিছিল৷

আইচিচিৰ তিনিটা গুৰুত্বপূর্ণ খিতাপ জয়ী দলৰ সদস্য আছিল ব্রেট লী৷ ২০০৩ চনৰ আইচিচি বিশ্বকাপৰ লগতে ২০০৬ আৰু ২০০৯ চনৰ আইচিচি চেম্পিয়নছ ট্রফী জয়ী দলৰ সদস্য আছিল ব্রেট লী৷ ১৯৯৬ চনত শুভাৰম্ভ কৰাৰ পৰা অষ্ট্রেলিয়াৰ ৬০গৰাকী সদস্যই হল অৱ ফেমত নাম অন্তর্ভুক্ত কৰিবলৈ সক্ষম হৈছে৷

এই তালিকাত কিংবদন্তি ক্রিকেটাৰ ডন ব্রেডমেন, ৰিকি পণ্টিং, কেইথ মিলাৰ, ডেনিছ লিলি, য়ান চেপেল, গ্রেগ চেপেলকে ধৰি বহু তাৰকা খেলুৱৈ আছে৷

ডিজিটেল ডেস্ক, ২৯ ডিচেম্বৰ