অহা ২৯ আগষ্টৰ পৰা বিহাৰৰ ৰাজগিৰত অনুষ্ঠিত হ’ব লগা পুৰুষৰ এছিয়া কাপ হকীৰ চেম্পিয়ন ট্ৰফীটো কাইলৈ গুৱাহাটীত প্ৰদৰ্শন কৰা হ’ব৷ অসম হকী সন্থাৰ সভাপতি তপন দাসে জনোৱা অনুসৰি মহানগৰীৰ মুঠ দহটা স্থানত এই ট্ৰফী প্ৰদৰ্শন কৰা হ’ব৷
পুৱা কামাখ্যা মন্দিৰৰ পৰা আৰম্ভ কৰি পাণবজাৰৰ ব্ৰহ্মপুত্ৰ ৰিভাৰ ফ্ৰণ্ট, গুৱাহাটী টাউন ক্লাব, আইকন একাডেমী, এছ পি এম আই এ এছ একাডেমী, জনতা ভৱন, ভেটাপাৰা হকী ষ্টেডিয়াম, ড॰ ভূপেন হাজৰিকা সমাধি ক্ষেত্ৰ, গুৱাহাটী বিশ্ববিদ্যালয় আৰু গুৱাহাটী বিমানবন্দৰত ট্ৰফীটো প্ৰদৰ্শন কৰা হ’ব৷
অৱশ্যে ৰাইজৰ বাবে কেবল ভেটাপাৰা হকী ষ্টেডিয়ামৰ কাৰ্যসূচীহে মুকলি থাকিব৷
Niyomiya Barta Desk, 25 August