মাত্র ১০০ টকাত চাব পাৰিব টি–২০ বিশ্বকাপৰ মেচ

পানীৰ দৰত টি–২০ বিশ্বকাপৰ টিকট৷ দর্শকে আগন্তুক টি–২০ বিশ্বকাপত ভাৰত আৰু পাকিস্তানৰ মাজত অনুষ্ঠিত হ’বলগীয়া হাই ভল্টেজ খেলখন কার্যতঃ নামমাত্র মূল্যত চোৱাৰ সুযোগ লাভ কৰিছে৷

অহা ফেব্রুৱাৰী মাহত ভাৰত আৰু শ্রীলংকাত আৰম্ভ হ’ব টি–২০ বিশ্বকাপ৷ উক্ত প্রতিযোগিতাখনৰ টিকটৰ দাম মাত্র এশ টকাৰ পৰা আৰম্ভ হৈছে৷ অর্থাৎ অনুৰাগীয়ে নামমাত্র খৰচত বিশ্ব ক্রিকেটৰ তাৰকাসকলক চাব পাৰিব৷ কলকাতা আৰু আহমেদাবাদত একাধিক খেলৰ টিকটৰ মূল্য এশ টকাৰ পৰা আৰম্ভ হৈছে৷

দিল্লীত সর্বনিম্ন টিকটৰ মূল্য ডেৰশ টকাত উপলব্ধ হ’ব৷ ইয়াৰ উপৰি চেন্নাইত অন্যতম মূল্য ডেৰশ টকা আৰু মুম্বাইত তিনিশ টকা নির্ধাৰণ কৰা হৈছে৷ অর্থাৎ ক্রিকেটপ্রেমীসকলে ভাৰতৰ পাঁচোটা কেন্দ্রতে অতি কম মূল্যত বিশ্বকাপ চাব পাৰিব৷

আনহাতে, শ্রীলংকাত টিকটৰ অন্যতম মূল্য স্থানীয় মুদ্রাত এক হাজাৰ এল কে আৰ, যিটো ভাৰতীয় মুদ্রাত কেইশমান টকা৷ ১৫ ডিচেম্বৰত ভাৰত–পাকিস্তান বিশ্বকাপ৷ সেই খেলখনৰ টিকটৰ মূল্য মাত্র ১৫০০ শ্রীলংকা টকা৷ যাৰ মূল্য ভাৰতীয় মুদ্রাত মাত্র ৪৩৯ টকা৷

বিশ্বকাপৰ ইতিহাসত ইমান কম মূল্য কেতিয়াও নির্ধাৰণ কৰা হোৱা নাই৷ এতিয়া এনে পদক্ষেপ কিয়? আইচিচিৰ মুখ্য কার্যবাহী বিষয়া সঞ্জয় গুপ্তাই কয় যে আমি সকলোৱে যাতে টিকট কিনি খেলখন চাব পাৰে তাৰ প্রতি লক্ষ্য ৰাখিব বিচাৰিছিলোঁ৷

আমি ক্রিকেটৰ এই উৎসৱত যিমান পাৰি সিমান লোকক জড়িত কৰিবলৈ আগ্রহী৷ আমি বিচাৰোঁ যে সকলোৱে দূৰৰ পৰা চোৱাৰ পৰিৱর্তে খেলপথাৰলৈ অহাৰ সুযোগ পাওক৷ বৃহস্পতিবাৰে আইচিচিয়ে আগন্তুক বিশ্বকাপৰ টিকট মুকলি কৰে৷

এই টিকট মুকলি কৰে দল দুটাৰ অধিনায়ক সূর্যকুমাৰ যাদৱ আৰু এইডেন মার্কৰামে৷ ইয়াৰ পিছত অনলাইন টিকট বিক্রী আৰম্ভ হ’ল৷ প্রথম অৱস্থাত গ্রুপ পর্যায় আৰু ছুপাৰ আঠৰ খেলৰ টিকট মুকলি কৰা হৈছিল৷ ইতিমধ্যে ভাৰত–পাক বিশ্বকাপৰ টিকটৰ চাহিদা অধিক৷ ভাৰত–পাক খেলৰ প্রথম ৰাউণ্ডৰ টিকট পলকতে বিক্রী হৈ গ’ল৷

ডিজিটেল ডেস্ক, ১৩ ডিচেম্বৰ