নিয়মীয়া বাৰ্তা, ২৯ জানুৱাৰীঃ দেওবাৰে এদিনীয়া ভ্ৰমণসূচীৰে শিলচৰত উপস্থিত হ’ব মুখ্যমন্ত্ৰী ড০ হিমন্ত বিশ্ব শৰ্মা। ৰাষ্ট্ৰীয় স্বয়ংসেৱক সংঘৰ মুৰব্বী মোহন ভাগৱতৰ সৈতে সাক্ষাৎৰ উদ্দেশ্যে মুখ্যমন্ত্ৰী হিমন্ত বিশ্ব শৰ্মা শিলচৰলৈ যাব। মুখ্যমন্ত্ৰীয়ে দেওবাৰে ১১.৩০ বজাত গুৱাহাটীৰ পৰা শিলচৰ কুম্ভিৰগ্ৰাম বিমানবন্দৰত উপস্থিত হ’ব। তাৰপিছতে পোনে পোনে তেওঁ শিলচৰৰ আৱৰ্ত ভৱনলৈ যাব। পিছত তেওঁ শিলচৰ অম্বিকাপট্টিত ৰাষ্ট্ৰীয় স্বয়ংসেৱক সংঘৰ কাৰ্যালয়ত সংঘৰ মুৰব্বী মোহন ভাগৱতক সাক্ষাৎ কৰিব। তেওঁ আবেলি লক্ষীপুৰত বৰাক নদীৰ ওপৰত ছহিদ নন্দচান্দ দলঙৰ আধাৰশিলাও স্থাপন কৰিব। তদুপৰি মুখ্যমন্ত্ৰীয়ে বিধায়ক কৌশিক ৰায়ৰ বাসগৃহলৈও যাব। আনহাতে নিশা ৯ বজাত পুনৰ শিলচৰ কুম্ভিৰগ্ৰাম বিমানবন্দৰৰ পৰা গুৱাহাটীলৈ ৰাওনা হ’ব।