নিয়মীয়া বাৰ্তা, ১১ ফেব্ৰুৱাৰীঃ ঐশ্বৰ্যশালী ক্ৰিকেট প্ৰতিযোগিতা ইণ্ডিয়ান প্ৰিমিয়াৰ লীগৰ কাইলৈৰ পৰা অনুষ্ঠিত হব মেগা নিলাম। এই মেগা নিলামত কোন তাৰকাৰ ভাগ্য ফুলিব, কোন খেলুৱৈ নিশাটোৰ ভিতৰত হৈ পৰিব কোটিপতি। ফ্ৰেঞ্চাইজীসমূহে কাইলৈ বাছনি কৰিব নিজৰ পছন্দৰ খেলুৱৈজন। ফ্ৰেঞ্চাইজীৰ টনা-আঁজোৰাত কোনো হব কোটিপতি, লগতে কোনো অখ্যাত খেলুৱৈয়ে দৃষ্টি কাঢ়িব সকলোৰে। অপেক্ষা মাথোঁ সময়ৰ। ১২ আৰু ১৩ ফেব্ৰুৱাৰীত অনুষ্ঠিত হব চলিত বৰ্ষৰ আইপিএলৰ নিলাম প্ৰক্ৰিয়া। বেংগালুৰুত অনুষ্ঠিত হব এই নিলাম প্ৰক্ৰিয়া। এই নিলাম প্ৰক্ৰিয়া কাইলৈ পুৱা ১১ বজাত আৰম্ভ হোৱাৰ লগতে ১৩ ফেব্ৰুৱাৰীতো একেই সময়ত আৰম্ভ হব।
ষ্টাৰ স্পৰ্টছ নেটৱৰ্কত এই নিলাম প্ৰক্ৰিয়া লাইভ দেখিবলৈ পোৱা যাব। সেই মৰ্মে ডিজনী হটষ্টাৰত চাব পৰা যাব।
এইবাৰৰ নিলামত ১০টা দলে অংশগ্ৰহণ কৰিব।
পূৰ্বৰ আঠটা ক্ৰমে মুম্বাই ইণ্ডিয়ানছ, চেন্নাই ছুপাৰ কিংছ, কলকাতা নাইট ৰাইডাৰ্ছ, দিল্লী কেপিটেলছ, ছানৰাইজাৰ্ছ হাইদৰাবাদ, পঞ্জাব কিংছ, ৰয়েল চেলেঞ্জাৰ্ছ বেংগালুৰু, ৰাজস্থান ৰয়েলছৰ লগত লক্ষ্ণৌ ছুপাৰ জায়েণ্টছ আৰু গুজৰাট টাইনছ নতুনকৈ অন্তৰ্ভুক্ত হৈছে।