নিয়মীয়া বাৰ্তা, ২০ ফেব্ৰুৱাৰীঃ শোণিতপুৰৰ ৭৪ নং ৰঙাপৰা বিধানসভা সমষ্টিৰ অন্তৰ্গত মানশিৰিত এটা তেল ডিপো শুভ উদ্বোধন কৰে ৰঙাপৰা সমষ্টিৰ যুৱ বিধায়ক কৃষ্ণ কমল তাঁতীয়ে । আজি দিনৰ ১২:০০ বজাত মানশিৰিৰ এই উপলক্ষ্যে অনুষ্ঠিত এক সভাপতিত্ব কৰে মানশিৰি গাঁও পঞ্চায়তৰ সভাপতি ইমানুৱেল তপ্নই । অনুষ্ঠান আঁত ধৰাৰ লগতে সভাৰ উদ্দেশ্যে ব্যাখ্যা কৰে সমাজকৰ্মী মক্কেচ আলিয়ে । নায়ৰা :: এম এচ এচ এচ পি ফিলিং ষ্টেচনটো মানশিৰিত উদ্বোধন কৰি ৰঙাপৰাৰ বিধায়কগৰাকীয়ে উদ্বোধনী ভাষণ কয় যে আজি মানশিৰি অঞ্চলৰ দীৰ্ঘদিনীয়া এক অভাৱ পূৰণ হ’ল । মানশিৰি অঞ্চলত দিনকদিনে বিকশিত হৈ উঠিছে । মানশিৰি চেণ্টাৰত অতিশীঘ্ৰে এখন আৰক্ষী থানা স্থাপন কৰা হ’ব ।
ইয়াৰ বাবে ইতিমধ্যে ১০ লাখ টকা আৱন্টন কৰা হৈছে । লগতে মানশিৰি অঞ্চলত আৰু এখন দলং নিৰ্মাণ কৰা হ’ব । মানশিৰি অঞ্চলত জীয়াভৰলীৰ গৰাখহনীয়া সমস্যা সমাধানৰ বাবে ১১ কোটি টকাৰ কাম আৰম্ভ কৰাৰ সিদ্ধান্ত গ্ৰহণ কৰা হৈছে ন জীয়াভৰলীৰ খননৰপৰা ৰাইজক ৰক্ষা কৰিবৰ বাবে ইতিমধ্যে নৈখনৰৰ বুকুত বৈজ্ঞানিক ব্যৱস্থাপনাৰে খননকাৰ্য আৰম্ভ কৰা হৈছে । অনাগত সময়ৰ মানশিৰিৰ এখন উন্নতমানৰ চিকিৎসালয় স্থাপন কৰা হ’ব । লগতে খনামুখত এখন বুনিয়াদী চিকিৎসালয়ৰ কামো অতিশীঘ্ৰে আৰম্ভ কৰা হ’ব । ভাৰতীয় জনতা পাৰ্টীয়ে ৰঙাপৰা সমষ্টিৰ প্ৰতিটো অঞ্চলৰ সৰ্বাংগীন বিকাশৰ বাবে সৎ প্ৰয়াস কৰি আহিছে ।