নিয়মীয়া বাৰ্তা, ২২ ফেব্ৰুৱাৰীঃ শোণিতপুৰৰ বালিপৰা খণ্ড প্ৰাথমিক শিক্ষা বিষয়া কাৰ্যালয়ৰ ৰঙাপৰা নগৰ মণ্ডল সমল কেন্দ্ৰ অধীনৰ ৰঙাপৰা বালিকা মধ্য ইংৰাজী বিদ্যালয়ত আজি ১৬নং জাট ৰেজিমেন্টে সদ্ভাৱনা আঁচনিৰ যোগেদি বিদ্যালয়খনৰ ৪০গৰাকীকৈ ছাত্ৰীক প্ৰথম পৰ্যায়ত বিনামূলীয়া চাইকেল বিতৰণ কৰে । অৱসৰপ্ৰাপ্ত শিক্ষক অসিত ভট্টাচাৰ্যই আঁত ধৰা অনুষ্ঠানটোত ৰেজিমেন্টটোৰ মেজৰ জেনেৰেল দীপক তিৱাৰীসহ সতীৰ্থবৃন্দ, ৰঙাপৰা নগৰ মণ্ডল সমল কেন্দ্ৰ সমন্বয়ক জয়ন্ত বৰগোহাঁই, সমাজকৰ্মী বিৰোজ শইকীয়া, বিদ্যালয়খনৰ প্ৰধান শিক্ষক দীনেশ দাস, বিদ্যালয়খনৰ সহকাৰী শিক্ষক-শিক্ষয়িত্ৰী, ৰাইজ, পৰিচালনা সমিতিৰ বিষয়ববীয়াসকল উপস্থিত থাকে । বিদ্যালয়খনলৈ দূৰণিৰ পৰা আহি পাঠদান গ্ৰহণ কৰি থকা লগতে দাৰিদ্ৰ্য সীমাৰেখাৰ তলৰ ছাত্ৰীক সেনাবাহিনীয়ে এনেদৰে চাইকেল বিতৰণ কৰি যাতায়াতৰ সুবিধা কৰি দিয়াৰ বাবে বিদ্যালয় কৰ্তৃপক্ষই আন্তৰিক ধন্যবাদ জনাইছে ।
প্ৰেৰক প্ৰাঞ্জল পি বৰা