নিয়মীয়া বাৰ্তা, ২২ এপ্ৰিলঃ শোণিতপুৰৰ বালিপৰা খণ্ড প্ৰাথমিক শিক্ষা বিষয়া কাৰ্যালয়ৰ চিলনী মণ্ডল সমল কেন্দ্ৰৰ অধীনৰ বুঢ়াগাঁও চাপৰি প্ৰাথমিক বিদ্যালয়ত আজি সমগ্ৰ শিক্ষাৰ নিৰ্দেশনা অনুসৰি সামাজিক উৎসৱ অনুষ্ঠিত কৰা হয় । অনুষ্ঠানৰ লগত সংগতি ৰাখি ছাত্ৰ-ছাত্ৰীসকলে বিহু নৃত্য, চাহ জনগোষ্ঠীয় নৃত্য, মিচিং জনগোষ্ঠীয় নৃত্যৰ লগতে শোভাযাত্ৰা, পতাকা উত্তোলন আদিৰ লগতে পিছল খুঁটা বগোৱা খেলো অনুষ্ঠিত কৰে । অনুষ্ঠানত বিদ্যালয়ৰ প্ৰধান শিক্ষক নবীন উপাধ্যায় , চিলনী মণ্ডল সমল কেন্দ্ৰৰ সমন্বয়ক সন্তোষ ছেত্ৰী, চিলনী গাঁও পঞ্চায়তৰ সভাপতি দেনেশ্বৰ পাৱ, বালিপৰা খণ্ড শিক্ষা বিষয়া মনিষ ঠাকুৰ, বালিপৰা শাখা সাহিত্য সভাৰ সম্পাদক প্ৰাঞ্জল প্ৰতিম বৰাৰ লগতে বালিপৰা শিক্ষাখণ্ডৰ প্ৰাক্তন বি আৰ পি মনেশ্বৰ বড়ো, কনিষ্ঠ অভিযন্তা সঞ্জয় দাসৰ লগতে ভালেমান বিশিষ্ট ব্যক্তি, ৰাইজ, অনুষ্ঠান অনুষ্ঠিত বিদ্যালয়খনৰ সমূহ শিক্ষাগুৰু, অভিভাৱক, ছাত্ৰ-ছাত্ৰী উপস্থিত থাকে ।
প্ৰেৰক প্ৰাঞ্জল বৰা