নিয়মীয়া বাৰ্তা, ২৫ এপ্ৰিল: ৰঙিয়াত আজি আৰক্ষীয়ে এক অভিযান চলাই লক্ষাধিক টকা মূল্যৰ ব্ৰাউন চুগাৰসহ দুজন সৰবৰাহকাৰীক গ্ৰেপ্তাৰ কৰিবলৈ সক্ষম হয় । ধৃত সৰবৰাহকাৰী দুজন হৈছে ৰঙিয়াৰ পূৱ সাহানৰ চাদ্দাম আলী আৰু নকুলৰ ফাৰুল হক । আৰক্ষীয়ে এক গোপন সুত্ৰৰ পমখেদি ৩১ নং ৰাষ্ট্ৰীয় ঘাইপথৰ সমীপৰ গোপাল নগৰৰ পৰা সৰবৰাহকাৰী দুজনক হাতে-লোটে গ্ৰেপ্তাৰ কৰে । নিৰ্দিষ্ট স্থানত হেৰ’ইন বিক্ৰী কৰিবলৈ গৈ থকা অৱস্থাত গ্ৰেপ্তাৰ হয় হেৰ’ইন ব্যৱসায়ী দুজনক । ধৃত চাদ্দাম আলী আৰু ফাৰুল হকৰ পৰা আৰক্ষীয়ে ৩০ টা কণ্টেইনাৰত ১০.১১ গ্ৰাম হেৰ’ইন, দুটা মোবাইল ফোন জব্দ কৰে । ধৃত অভিযুক্ত দুজনক অধিক তথ্যৰ বাবে জেৰা অব্যাহত ৰাখিছে ৰঙিয়া থানাত ।
প্ৰেৰক ফাৰুক হুছেইন