নিয়মীয়া বাৰ্তা,১মে’:এক বিশেষ সূত্ৰৰ খবৰৰ ভিত্তিত আজি পুৱা এঘাৰ বজাত ননৈ আৰক্ষী চকীৰ ভাৰপ্ৰাপ্ত আৰক্ষী বিষয়া অভয়জ্যোতি ৰাভাৰ নেতৃত্বত এটা আৰক্ষীৰ দলে নগাঁও জিলাৰ ৰাইদঙীয়াৰ ঔতলত অভিযান চলাই দুজন ড্ৰাগছ সৰবৰাহকাৰীক গ্ৰেপ্তাৰ কৰে।ধৃত ড্ৰাগছ সৰবৰাহকাৰী দুজন হ’ল চামগুৰি বাজিয়া গাঁৱৰ জাকিৰ হুছেইন (৩৮) আৰু বাহাৰুল ইছলাম(২৫)। তেওঁ লোকৰ হাতৰ পৰা আৰক্ষীয়ে ৫৭ টা ভাইলত ভৰোৱা ৪.৭গ্ৰাম ওজনৰ হে’ৰইনো জব্দ কৰিবলৈ সক্ষম হয়।
উল্লেখ্য যে, নগাঁও আৰক্ষীয়ে শেহতীয়াকৈ জিলা খনত ড্ৰাগছ বিৰোধী অভিযান আৰু অধিক জোৰদাৰ কৰি তুলিছে। আৰক্ষীৰ ধাৰাবাহিক অভিযানত নিতৌ ড্ৰাগছ সহ একাংশ ড্ৰাগছ সৰবৰাহকাৰী,ড্ৰাগছ মাফিয়া গ্ৰেপ্তাৰ হোৱা পৰিলক্ষিত হৈছে।