বিশেষ বাৰ্তা, ১৮ মেঃ মার্কিন আলোচনী ছুইমশ্বুটৰ ক’ভাৰপেজত স্থান দখল কৰিছে বিশ্বৰ সবাতোকৈ ধনাঢ্য ব্যক্তি এলন মাস্কৰ মাক মায়ে মাস্কে। ৭৪ বছৰ বয়স হৈছে তেওঁৰ। কিন্তু এই বয়সতো চেহেৰাত উজ্বলতা কমা নাই। বৰং দেশৰ অন্যতম শ্ৰেষ্ঠ আলোচনী ছুইমশ্বুটৰ কভাৰ পেজত আত্মবিশ্বাসীৰূপত দেখা গৈছে এলনৰ মাকক। তেওঁ নিজেই টুইটাৰযোগে সেই কথা জনাইছে।
I am so excited to be on the cover of @si_swimsuit at the age of 74. It’s about time!?
You can buy your copy of #SISwim22 on May 19th!
If you want to see more pics, interview and videos online, click on https://t.co/C5w9BRwmpE ??? pic.twitter.com/mWY4pqesle— Maye Musk (@mayemusk) May 16, 2022
ছুইমশ্বুট হ’ল আমেৰিকাৰ খেলা-ধূলা সংক্রান্তীয় বৰ জনপ্রিয় আলোচনী। স্পোর্টছ ইলাষ্ট্ৰেটেড কোম্পানীয়ে এই মেগাজিনখন প্রকাশ কৰে। সমগ্ৰ পৃথিৱীৰ বিভিন্ন মহিলা ফেশ্বন ম’ডেল, চেলিব্রিটী তথা তাৰকা খেলুৱৈসকলক এই মেগাজিনত তুলি ধৰা হয়। এই মেগাজিনৰ কভাৰত ওলাব পৰাটো ফেশ্বন মডেলসকলৰ স্বপ্ন। এলন মাস্কৰ মাক পেছাত ম’ডেল। কানাডা, ছাউথ আফ্রিকা তথা আমেৰিকাত মডেলিং কৰিছিল। নাগৰিকত্ব আছে কানাডা আৰু দক্ষিণ আফ্রিকাৰ। একেসময়তে মায়ে মাস্ক ডায়েটিছিয়ানো। এসময়ত টাইম মেগাজিন, ভগ মেগাজিনৰ দৰে পৃথিৱী বিখ্যাত মেগাজিনবোৰত তেওঁৰ ছবি প্রকাশ হৈছিল ।