নিয়মীয়া বাৰ্তা, ২৭ জানুৱাৰীঃ ৰঙা চীনত ভয়ংকৰ ৰূপ ধাৰণ কৰিছে ক’ৰোনা ভাইৰাছ । বৰ্তমানলৈকে চীনত ৮১ জনৰ মৃত্যু হৈছে এই ভাইৰাছত । ভাৰতবৰ্ষতো ইতিমধ্যে প্ৰৱেশ কৰিছে এই ভাইৰাছে । চীনৰ পৰা বিহাৰৰ ছাপৰালৈ অহা এগৰাকী মহিলাৰ শৰীৰত ক’ৰোনা ভাইৰাছৰ লক্ষণ দেখা দিয়াৰ পাচতে ভৰ্তি কৰা হৈছে হাস্পতালত । মহিলাগৰাকীক স্থানীয় হাস্পতালৰ আই চি ইউত ভৰ্তি কৰা হৈছে বুলি জানিব পৰা গৈছে ।
বৰ্তমানলৈকে ভাৰতৰ সাতটা বিমান বন্দৰত ২৯,৭০০ যাত্ৰীৰ পৰীক্ষা কৰা হৈছে যদিও বৰ্তমানলৈকে নিশ্চিত হ’ব পৰা নাই এই ৰোগ সম্বন্ধে । চীনক বাদ দি ইতিমধ্যে পাঁচখন দেশত দেখা গৈছে ক’ৰোনা ভাইৰাছ ।