নিয়মীয়া বাৰ্তা ১৭ জুন: কমনৱেলথ গেমছত পুনৰ ভাৰতীয় দলক প্রতিনিধিত্ব কৰিব অসমৰ দৌৰৰাণী হিমা দাসে৷ অসম কন্যা হিমাই প্রতিযোগিতাখনৰ ×১০০ মিটাৰ ৰীলেত ভাৰতীয় দলটোত স্থান লাভ কৰিছে৷ হিমাৰ সৈতে ৰীলে দলত স্থান লাভ কৰা মহিলা এথলীটকেইগৰাকী হৈছে দ্যুতি চান্দ, শ্রাৱনী নন্দা, এম ভি জিলনা আৰু এন এছ ছিমি৷ উল্লেখ্য যে সদ্যসমাপ্ত ৰাষ্ট্রীয় আন্তঃৰাজ্যিক এথলেটিকছ প্রতিযোগিতাত হিমা আৰু অম্লান বৰগোহাঁয়ে ১০০ মিটাৰত স্বর্ণপদক অর্জন কৰিলেও কমনৱেলথ গেমছৰ বাবে প্রয়োজনীয় যোগ্যতা অর্জনত ব্যর্থ হয়৷ প্রতিযোগিতাখনৰ ২০০ মিটাৰ দৌৰতো অম্লানে স্বর্ণ আৰু হিমাই ৰূপৰ পদক অর্জন কৰিছিল৷ উল্লেখ্য যে কমনৱেলথ গেমছ প্রতিযোগিতাখন বার্মিংহামত অহা ২৮ জুলাইৰ পৰা ৮ আগষ্টলৈকে অনুষ্ঠিত হ’ব৷