নিয়মীয়া বাৰ্তা, ২৬ ডিচেম্বৰ : এসপ্তাহ পূৰ্বে চুৰি কৰি ৰাইজৰ হাতত ধৰা পৰা ৰঙিয়াৰ কৰিয়াৰাৰ ড্ৰাগছ আসক্ত যুৱক ইনজামুল হক আকৌ ৰাইজে আটক কৰে। যোৱা সোমবাৰে ড্ৰাগছ সেৱন কৰিবলৈ নাপাই গাঁওখনৰ ছাগলী চুৰি কৰি ৰাইজৰ হাতত ধৰা পৰিছিল ইনজামুল হক। ঘটনাৰ এসপ্তাহ পাৰ নহওঁতেই আকৌ চুৰি কাণ্ড সংঘটিত কৰিছে ইনজামুলে।এইবাৰ আকৌ নিজৰেই শোৱা, বিছনা,কম্বল, গাৰু, বিক্ৰী কৰাৰ লগতে পিতলৰ কলহ,ঘটি,ৰদ চুৰি কৰি হাতে লোতে ধৰা পৰিছে ড্ৰাগছ আসক্ত ইনজামুল। স্থানীয় ৰাইজে ড্ৰাগছ আসক্ত যুৱকজনক হাতত পঘাৰে বান্ধি সোধা-পোছা কৰাত একান্ত বাধ্য ছাত্ৰৰ দৰেই উত্তৰ ড্ৰাগছ আসক্ত ইনজামুলৰ। নিজ মুখে স্বীকাৰ কৰিলে চুৰি সামগ্ৰী বিক্ৰী কৰি ড্ৰাগছ ক্ৰয় কৰাৰ কথা।ৰাইজৰ আগত চোৰৰ স্বীকাৰোক্তি কোন ঠাইৰ পৰা কিনে, কোনে যোগান ধৰে এই মাৰাত্মক ড্ৰাগছ। ড্ৰাগছ নোখোৱাকৈ জীয়াই থাকিব নোৱাৰে। তাৰ বাবে টকাৰ প্ৰয়োজন । নিজ বায়েকে ক’লে ভাতৃৰ কু-কৰ্মৰ কথা। চেন্দেলেৰে শোধালে প্ৰচণ্ড চৰ। এতিয়া প্ৰশ্ন হয় বাৰে বাবে ৰঙিয়াত কোনে যোগান ধৰি আহিছে এই মাৰাত্মক ড্ৰাগছ !
প্ৰেৰক ফাৰুক হুছেইন