নিয়মীয়া বাৰ্তা, ৮জানুৱাৰী: সীমান্ত চেতনা মঞ্চ পূৰ্বোত্তৰৰ ধুবুৰী নগৰ কমিটিৰ প্ৰশংশনীয় পদক্ষেপ। শীতৰ এই বতৰত ধুবুৰী চহৰৰ দৰিদ্ৰ লোকক কিছু সকাহ দিয়াৰ উদ্দেশ্যে সংগঠনটোৰ উদ্যোগত আজি এক কম্বল বিতৰণ কাৰ্য্যসূচী ৰূপায়িত হয়। এই উদ্দেশ্যেৰে ধুবুৰী চহৰৰ বালুৰচৰস্থিত সীমান্ত চেতনা মঞ্চ পূৰ্বোত্তৰৰ ধুবুৰী নগৰ কমিটিৰ কাৰ্য্যালয় “সীমান্ত ভৱন”ত আয়োজিত কাৰ্য্যসূচীত চহৰখনৰ ১৬টা ৱাৰ্ডকে ধৰি বৃহত্তৰ ধুবুৰীৰ ঝগৰাৰপাৰৰ দুস্থ একাংশ লোকক কম্বল প্ৰদান কৰা হয়। ৰাইজৰ সহযোগত আয়োজিত আজিৰ এই কাৰ্য্যসূচীৰ জৰিয়তে মুঠ ৫২০ গৰাকী ব্যক্তিক কম্বল প্ৰদান কৰা হোৱা বুলি উদ্যোক্তা সকলে জানিবলৈ দিছে। আজিৰ এই কাৰ্য্যসূচীত সংগঠনটোৰ ধুবুৰী নগৰ কমিটিৰ সভাপতি দিৱস অধিকাৰী, সাধাৰণ সম্পাদক বিপুল প্ৰসাদকে ধৰি অন্যান্য কাৰ্য্যকৰ্তা সকল উপস্থিত আছিল।
অমিতাভ চক্ৰৱৰ্তী, ধুবুৰী