নিয়মীয়া বাৰ্তা, ১ মাৰ্চ : কামৰূপৰ বকো সমষ্টিৰ বকো উন্নয়ন খণ্ডৰ বিদায়ী খণ্ড উন্নয়ন বিষয়া অৰ্ণৱ বৰুৱাক মঙলবাৰে বিদায়ী সম্বৰ্ধনা জনোৱা হয়৷ জলজীৱন মিছনৰ সহকাৰী মিছন সঞ্চালক হিচাপে পদোন্নতিসহ বদলীকৰণ হোৱা খণ্ড উন্নয়ন বিষয়া অৰ্ণৱ বৰুৱা আৰু নৱনিযুক্ত খণ্ড উন্নয়ন বিষয়া গংগোত্ৰী নেওগক উষ্ম আদৰণি জনোৱা বাবে উন্নয়ন খণ্ডৰ সভাকক্ষত এখনি সভা অনুষ্ঠিত হৈছিল। সভাত বিদায়ী খণ্ড উন্নয়ণ বিষয়াগৰাকীক সহকৰ্মীসকলৰ তৰফৰ পৰা শৰাই আৰু ফুলাম গামোচাৰে সম্বৰ্ধনা জ্ঞাপন কৰে। ইয়াৰ লগতে নৱনিযুক্ত বকোৰ খণ্ড উন্নয়ন বিষয়া গংগোত্ৰী নেওগক শৰাই আৰু ফুলাম গামোচাৰে সম্বৰ্ধনা জনাই উষ্ম আদৰণি জনায়। এই সম্বৰ্ধনা অনুষ্ঠানত বকো চক্ৰ বিষয়া দিৱস বৰদলৈৰ লগতে বহুকেইজন বিশিষ্ট ব্যক্তি উপস্থিত থাকে।
প্ৰেৰক প্ৰীতম বায়ন